7-8 aqpan kúni Nur-Sultanda sý dobynan erler komandasy arasyndaǵy Reseı ashyq chempıonatynyń kezekti týry ótedi. Týrnır tarıhynda alǵash ret match Qazaqstan astanasynda uıymdastyrylmaq. Bul týraly Olympic.kz habarlady.
«Reseı sý sporty túrleri federasııasy jáne «Spartak Volgograd» klýbymen kelise otyryp, on birinshi týr oıynyn Qazaqstanda ótkizýdi jón kórdik. О́zderińiz bilesizder, Qazaqstan komandasy aqpan aıynda ótetin Olımpıadaǵa irikteý týrnırine daıyndalýda. Sportshylar babyna enip, jaqsy daıyndyq jasaýy úshin «Spartak Volgograd» klýbyn arnaıy shaqyrttyq. Olar Reseı birinshiliginde ǵana emes, Eýropadaǵy úzdik komandalardyń biri. Bul klýb oıynshylary bizdiń komandaǵa jaqsy qarsylas atanary sózsiz. Biz mundaı týrnırdiń elimizde ótetini úshin qýanyshtymyz. Bul Qazaqstandaǵy sý dobyn damytýǵa úles qosady. Sondaı-aq, kóptegen jankúıerler úshin sportshylardyń oıynyn tamashalaý úlken qýanysh. Kezdesýler 7-8 aqpan kúnderi «Barys-arenada» ótedi. Búginde bizdiń sportshylar Nur-Sultan qalasyna kelip, basseındi jattyǵýdy bastap ketti. 3 aqpan kúni qarsylas komanda oıynshylary keledi», - dedi bas hatshy Sergeı Mıhaılovıch.
Sondaı-aq Sergeı Mıhaılovıch aldaǵy lısenzııalyq Azııa chempıonatyna qatysty pikirimen bólisti.
«Aldymyzda biri ǵana maqsat bar – Olımpıada oıyndaryna joldama alý. Erler arasynda ǵana emes, áıelder arasynda da top jarýdy kózdep otyrmyz. Árıne, bul ońaı emes. О́ıtkeni, Qytaı áıelder komandasy Azııada ǵana emes, álemde úzdik sanalady. Degenmen, bizdiń komandanyń bar kúshin salatyny anyq», - dedi ol.