Úkimet janyndaǵy vedomstvoaralyq komıssııa Qazaqstan aýmaǵynda koronavırýstyń taralýyna jol bermeý boıynsha birqatar qosymsha qorǵaný sharalaryn qabyldady.
Atap aıtqanda, 2020 jylǵy 29 qańtardan bastap Qazaqstan men Qytaı arasynda jolaýshylar avtobýsynyń tasymaly ýaqytsha toqtatyldy. 2020 jylǵy 1 aqpannan bastap atalǵan eki el arasynda júretin jolaýshylar poıyzdarynyń baǵdary ýaqytsha toqtatylady, 2020 jylǵy 3 aqpannan bastap Qazaqstan men Qytaı arasyndaǵy júıeli áýe qatynasy ýaqytsha toqtatylady. Sondaı-aq QHR azamattaryna vızalar berý toqtatyldy, 2020 jylǵy 4-8 aqpan aralyǵynda Halyqaralyq tennıs federasııasynyń Federasııa kýbogynyń irikteý matchtaryn QHR-dyń Dýngýan qalasynan Nur-Sultan qalasyna aýystyrý týraly usynysy qabyldanbady, sondaı-aq 2020 jylǵy 12-16 aqpan aralyǵynda sý dobynan Azııa irikteý chempıonaty ótkizilmeıtin boldy.
Vedomstvoaralyq komıssııa jaǵdaıdy táýliktik rejimde qadaǵalaýda. Bıylǵy 29 qańtardaǵy jaǵdaı boıynsha Qazaqstan Respýblıkasynda koronavırýs ınfeksııasymen syrqattaný oqıǵasy tirkelmegen. Atalǵan másele el basshylyǵynyń erekshe baqylaýyna alynǵan.