• RUB:
    6.68
  • USD:
    520.93
  • EUR:
    609.07
Basty saıtqa ótý
Qazaqstan 05 Aqpan, 2020

Elbasy Baýyrjan Baıbekti qabyldady

225 ret
kórsetildi

Qazaqstannyń Tuńǵysh Prezıdentine halyqpen keri baılanysty kúsheıtý jáne partııa aktıvi quramynyń sapasyn jaqsartý boıynsha qabyldanǵan sharalar jóninde, sondaı-aq, Saıası keńestiń keńeıtilgen otyrysyna daıyndyq barysy týraly baıandaldy. Bul týraly Elbasy Nursultan Nazarbaevtyń resmı saıtynda jarııalandy.

– 2019 jyly partııaǵa 213 myńnan astam azamat ótinish bildirdi. Bul bir jyl burynǵy kórsetkishten 34 paıyzǵa kóp. Saýalnamalarǵa sáıkes, árbir tórtinshi qazaqstandyq másele týyndaǵan jaǵdaıda «Nur Otan» partııasyna júginedi. Sizdiń tapsyrmańyzǵa sáıkes óńirlerdi aralaý bastaldy. Ásirese, shalǵaıdaǵy eldi mekenderge erekshe nazar aýdaryp otyrmyz. Jýyrda Atyraý oblysynyń Maqat jáne Jylyoı aýdandarynda boldyq, - dedi B.Baıbek.

Elbasy azamattardyń máselelerin sheshýde partııanyń belsendi bolýynyń mańyzdylyǵyn aıta kele, halyqtyń ómir súrý deńgeıin jaqsartýǵa baǵyttalǵan is-sharalardy júzege asyrý turǵysynan óńirlerdegi ınfraqurylymdyq damý máselesine toqtaldy.

– Atyraý men Astrahan arasyndaǵy jol qurylysy júrip jatyr. Aqtóbe men Atyraý qalalary arasynda da jol salynady. Iri avtojoldardyń qurylysyn aıaqtaǵannan keıin, oblysishilik joldardyń qurylysyna kirisý qajet. Bul turǵyndar úshin óte mańyzdy, - dedi Nursultan Nazarbaev.

Kezdesý sońynda «Nur Otan» partııasynyń Tóraǵasy birqatar naqty tapsyrma berdi.

Sońǵy jańalyqtar