«STOP obnal» jedel aldyn alý sharasy barysynda Shyǵys Qazaqstan men Pavlodar oblystarynda jalǵan qujat jasaýmen aınalysqan qylmystyq toptyń joly kesildi. Bul týraly ShQO boıynsha Ekonomıkalyq tergeý departamentiniń baspasóz qyzmeti habarlady.
Ekonomıkalyq tergeý departamentiniń málimetterine súıensek, uıymdasqan qylmystyq top músheleri oryndalmaǵan jumys pen jetkizilmegen taýarlarǵa shot-faktýra jazýmen aınalysqan.
«Olar 2018-2020 jyldar aralyǵynda Shyǵys Qazaqstan men Pavlodar oblystarynyń aýmaǵynda toǵyz mekeme quryp, zańsyz áreketterin iske asyrǵan. Qylmystyq toptyń jalpy aınalymy 4 mıllıard teńgeden asady. Qazir bul toptyń músheleri qamaýǵa alyndy. Qujattar, mórler, chek kitapshalary jáne 9 mıllıon teńge tárkilendi. Tergeý amaldary jalǵasyp jatyr» dep habarlady departament mamandary.