Koronavırýstyń jańa túrinen qaza bolǵandardyń sany 8 aqpandaǵy tańǵy ýaqyt kórsetkishi boıynsha 724 adamǵa deıin ósti, ony juqtyrǵandardyń sany 34,8 myńnan asady, saýyǵyp ketkender 2050. Bul týraly South China Morning Post habarlady.
Osylaısha, qurbandar sany bir táýlik ishinde 88 adamǵa kóbeıgen. Onyń aldynda 636 adam qaıtys bolǵany jáne 31,1 myńy juqtyrǵany týraly resmı aqparat habarlanǵan bolatyn.
Qaıtys bolǵandar men aýrýǵa shaldyqqandardyń kóbi Ýhan qalasynda (Hýbeı provınsııasy) tirkelgen, onda koronavırýs 2019-nCoV taralý oshaǵy ornalasqan. Qytaıdyń basqa da provınsııalarynda taǵy birneshe adam qaza boldy.Qytaı ǵalymdary jańa koronavırýstyń tasymaldaýshysy bolýy múmkin aǵzany atady. Bul týraly Daily Mail jazdy. Olardyń málimetinshe, bul pangolın - qabyrshaǵy Qytaı halyq medısınasynda jıi qoldanylatyn janýar, al etin Qytaı men Vetnamda jeıdi.