Kitaptar bala psıhologııasyna arnalǵan. Olardyń ómirdegi qalyptasýy men túrli problemalardan shyǵý joldaryn qamtyǵan.
Ádistemelik qural balalar men jasóspirimderdiń qatarlastarymen, otbasymen, ustazdarmen, úlkendermen qarym-qatynasyn jaqsartýǵa kómektesedi. Qazir oqýshylar arasynda túrli minez-qulyqtaǵy, jan-dúnıesi san alýan kóp ekeni belgili. Jınaqta olarǵa maman retinde qalaı kómek berý bolatyndyǵy kórinis tapqan. Kitaptar aǵylshyn tilinen aýdarylǵan. Avtorlary álemge málim tájirıbeli psıhologtar.
Oqý quraldary «О́mirlik daǵdylardy qalyptastyrý jáne balalardyń áleýmettik damýy» jobasy aıasynda berildi. Ony «Bilim Foundation» (Bilim fondeıshn) qoǵamdyq qory júzege asyryp otyr. Aqmola oblysyna árqaısysy 17 kitaptar turatyn 524 jınaq tabystaldy. Olardy mektepterge taratý maqsatynda bilim basqarmasy men qoǵamdyq qor arasynda kelisimge qol qoıyldy.
– Kitaptyń óziniń belgili bir maqsaty bar. Mysaly, balalardyń arasynda kóptep kezdesetin úreı, stress, depressııa tárizdi máselelerdi aıqyn ashyp kórsetetin quraldardyń osyndaı keleńsizdikterdiń aldyn alýǵa áseri mol bolmaq. Sondyqtan bul oblystyń pedagog-psıhologtarynyń qajetti quraly-jabdyqtary bolyp tabylady,– deıdi «Bilim foundation» qoǵamdyq qorynyń basqarýshy dırektory Berik Raqyshev.