Kókshetaý qalalyq sotynyń úkimimen Kókshetaý qalalyq ákimdiginiń burynǵy bas mamany jeti jyl merzimge bas bostandyǵynan aıyryldy.
Is mán-jaıy mynadaı: sottalýshy óziniń tanystaryn Astana jáne Kókshetaý qalalarynda páterler men jer telimderin alyp beremin dep aldaǵan. Atap aıtqanda, 2012 jyldyń jeltoqsan aıynda sottalýshy óziniń bir tanysynan jer telimin áperemin dep 250 myń teńge alǵan. Sol aqshany berip jatqan kezinde qarjy polısııasynyń qyzmetkerleri alaıaqty ustap alǵan.
Sot sottalýshynyń buryn sotty bolmaǵandyǵyn, óziniń kinásin tolyq moıyndaǵandyǵyn, jábirlenýshilerge keltirilgen shyǵyndy jartylaı qaıtarǵandyǵyn eskerdi.
Sondaı-aq, sot sottalýshydan jábirlenýshiniń paıdasyna 2 000 000 (eki mıllıon) teńge materıaldyq shyǵyn men 20 000 teńge memlekettik baj salyǵyn óndirip berdi, dep habarlady Aqmola oblystyq sotynyń baspasóz qyzmeti.