Halyqaralyq tennıs federasııasynyń shtab-páteri ornalasqan Londonda (Ulybrıtanııa) tennısten Federasııa kýbogynyń pleı-off kezeńine jerebe tartý rásimi ótti.
Jerebege sáıkes, Qazaqstan quramasy Federasııa kýbogynyń kelesi jylǵy irikteý kezeńine qatysý úshin Argentına tennısshilerimen sheberlik synasady. Kezdesý aldaǵy sáýir aıynyń 17-18 kúnderi ótedi. Ázirge básekeniń qaı jerde ótetini belgisiz. Qazaqstan men Argentına quramalary búginge deıin kezdespegen.
Aıta keteıik, Qazaqstan quramasy ótken aptada Federasııa kýbogynyń bıylǵy irikteý kezeńine qatysyp, Belgııa quramasynan 3:1 esebimen jeńilip qalǵan bolatyn.