Búgin Almaty qalasyna Qytaıdan qazaqstandyq azamattar bar arnaıy ushaq kelip qondy. Bul týraly Syrtqy ister mınıstrliginiń baspasóz qyzmeti habarlady.
Qazaqstandyq dıplomattar Qytaıdyń 31 qalasynan 171 QR azamatyn, sondaı-aq, 40 Qyrǵyzstan azamatyn elge alyp keldi. Ushaqqa bizdiń otandastarymyzdyń barlyq jeke júkteri tıeldi. Ushar aldynda barlyq jolaýshy arnaıy medısınalyq tekserýden ótip, eshkimnen dene qyzýy nemese koronavırýs belgileri anyqtalǵan joq.Jalpy, qazaqstandyq dıplomattar men medıkterdiń Qytaı bıligimen úılesimdi jumysy nátıjesinde 3-13 aqpan aralyǵynda ótkizilgen 5 operasııa barysynda QHR-dan Qazaqstannyń 479 azamaty, sondaı-aq, 64 sheteldik azamat (Armenııa, Belarýs jáne Qyrǵyzstan) qaıtaryldy.Qazirgi tańda Qytaıdaǵy QR Elshiliginiń aqparaty boıynsha QHR aýmaǵynda taǵy 455 QR azamaty bar (onyń 271-i - stýdent).«Osyǵan baılanysty Qytaı tarapyna bizdiń azamattarymyzdy elge qaıtarýǵa kórsetken qoldaýy úshin alǵys bildire otyryp, qazaqstandyqtardyń atynan Qytaı halqyna shynaıy qoldaý sózin jetkizgimiz keledi» delingen habarlamada.