Ústimizdegi jylǵy 8 tamyz kúni túnde Qostanaı qalasynyń irgesindegi Kıev kentinde ornalasqan 66/97 áskerı bólimde qysqa merzimdi qyzmet jaýyngeri Mırbek Bákirov qaıtys boldy. Bul týraly «Nasha gazeta» habarlady.
Soldat óliminiń sebebi ázirge belgisiz. Ol áskerge Oral qalasynan shaqyrylǵan bolyp shyqty.
-Túngi 22:00 saǵatta soldattar uıyqtaýǵa jatty. Al 22:45-te rota kezekshisi áskerı qyzmetkerdiń qalshyldap jatqanyn kóredi. Dereý dáriger shaqyrttyq. Ol kele sala alǵashqy medısınalyq kómek kórsetti. Sonymen bir mezgilde, «jedel járdem» de jetti. Biraq soldatty qutqaryp qalýdyń oraıy kelmedi. Dárigerler 23-30-da onyń ólip ketkenin tirkedi, - dep túsindirdi bul jaǵdaıdy bólim komandıri Baqtııar Qýatov.
Qostanaı garnızonynyń prokýrory Darhan Erjanov «NG» gazetine qazirgi kezde tergeýge deıingi tekserý jumystary júrgizilip, kazarmadaǵy barlyq jaýyngerlerden jaýap alynyp jatqanyn aıtty.
«О́limniń sebebin biz tek sot-medısınalyq saraptamasynan keıin ǵana aıta alamyz», dedi ol.
Al búgin, 10 tamyz kúni áskerı bólimge qaıtys bolǵan soldattyń ata-anasy ushaqpen ushyp keledi.
Murat Aıtqoja.