Qala ákimi Altaı Kólginov qala men shetkeri aımaqtardy sý tasqynynan qorǵaıtyn sý rettegishtiń jumysymen tanysty. Sapar barysynda ákimge gıdrotehnıkalyq qurylystardyń daıyndyǵy men Astana sý qoımasynyń jaǵdaıy týraly baıandaldy. Tasqyn sýlardy qabyldaý men ótkizýge qatysty máseleler talqylandy, dep habarlady qala ákimdiginiń baspasóz qyzmeti.
Altaı Kólginov sý rettegishtiń jaǵdaıyna únemi monıtorıng júrgizip, sý tasqynyna qarsy jaǵdaıdy baqylaýda ustaý qajettigin atap ótti. Elorda ákimi sý tasqynyna qarsy is-sharalardyń keshendi josparyn bekitti, shtab quryldy. Kóktemde sý tasqynyn boldyrmaý, aryq-lotoktyq jelilerdi jáne nóser-kanalızasııa júıelerin tazalaý boıynsha jospar bekitildi.
Qysqy kezeńde 3,7 mln tekshe metrge jýyq qar shyǵaryldy (300 myń reıs), bul ótken qystyń osyndaı kezeńimen salystyrǵanda 50% - ǵa artyq. Kamazdar kúnine 2,5 myń reıs jasaıdy. Kún saıyn qalany qardan 2 myń birlik tehnıka men 1,5 myńnan astam jol jumysshylary tazalap jatyr. Boran jáne qalyń qar jaýǵan kezde uıymdardyń qosymsha arnaıy tehnıkasy qar tazalaý jumystaryna tartylady.