Maǵjan Jumabaev atyndaǵy oblystyq ǵylymı-ámbebap kitaphanasynda eriktiler mektebiniń ashylý saltanaty ótti. О́tinish bildirgenderdiń 80-ni ǵana atalǵan mektepten bilim almaq.
Eriktiler mektebinde tálim alýshylar 3 aı merzimde 10 baǵyt boıynsha bilim alady. 2 topqa bólingen volonterlerge tańǵy jáne keshki ýaqyttarda tálim beriledi. Alǵashynda teorııa boıynsha berilgen bilim, keıin tájirıbe arqyly nyǵaıtylady. Salaly mamandar eriktilerdi alǵashqy medısınalyq kómek kórsetý, múmkindigi shekteýli jandardy kútip-baǵý, tótenshe jaǵdaıda jumys isteý syndy baǵyttar boıynsha úıretedi.
–Túrli salada jumys istep júrgen jandardy tartýǵa tyrysyp jatyrmyz. Teorııa júzinde alǵan bilimderin ár erikti tájirıbe arqyly iske asyrady. Alǵashqy medısınalyq kómek kórsetýdi úırenedi. «Shans» qoǵamdyq birlestiginiń psıhologtary men mamandary da bilim beredi. Olar múmkindigi shekteýli jandarǵa qalaı kómek berý kerektigin úıretedi,–deıdi «Jas Otan» jastar qanaty oblystyq fılıalynyń tóraǵasy Sultanbek Bekishev.
Eriktilerdi oqytý jobasy «Jas Otan» jastar qanaty oblystyq fılıalynyń bastamasymen iske asýda. Volonterlik ortalyqtyń, jastar resýrstyq ortalyǵy men oblystyq kitaphananyń birigýmen júzege asýda. Máselen, Maǵjan Jumabaev atyndaǵy oblystyq ǵylymı-ámbebap kitaphanasynda oqýshylardyń qatysýymen volonterlik jobalar ótkizilýde.
–О́zimizdiń «Volonterlik jobamyz» bar. О́zdiginen kitaphanaǵa kele almaıtyn otbasylar jeterlik. Máselen, az qamtylǵan, kópbalaly otbasylar, múmkindigi shekteýli jandar. Bizdiń eriktilerimiz olarǵa kitaptardy úılerine aparyp, alyp keledi. Sondaı-aq aǵylshyn tilin úırenemin deýshilerge arnalǵan klýbymyz da bar. Olar bilikti mamannan bilim alýda, deıdi M.Jumabaev atyndaǵy oblystyq ǵylymı-ámbebap kitaphanasy dırektorynyń orynbasary Galına Savenkova.
Eriktiler mektebinde bilim alýshylardyń barlyǵy stýdentter. Kóbiniń volonterlik tájirıbesi bar. Árqaısysy erikti bolýǵa jaýapkershilikpen qaraýda.
–Osy volonterlik mektepten kútetinim jalpy sapaly bilim alyp, qart kisilerge kómektesý, múgedek jandarǵa da kómektesý arqyly qoǵamǵa paıdamyzdy tıgizemiz degen oıdamyn. Eriktiler úshin osyndaı mektep ashylǵanyna qýanyshtymyn, deıdi A.Myrzahmetov atyndaǵy Kókshetaý ýnıversıtetiniń stýdenti Dıas Muhamedqalıev.
Eriktiler mektebiniń ashylý saltanatynda barlyq qatysýshylar tımbıldıng oıynyn oınap, tanysý úrdisin jedeldetti.
Aqmola oblysy