Jeńilip kórmegen qazaqstandyq boksshy Jánibek Álimhanulynyń (8-0, 4 KO) kelesi aıqasyndaǵy qarsylasynyń esimi anyqtaldy. Bul týraly Sports.kz habarlady.
Jánibek Álimhanuly 20 ret jeńiske jetken amerıkalyqpen aıqasady. Ol 26 jastaǵy amerıkalyq Dmıtrıýs Ballard (20-0-1, 13 KO).
Jekpe-jek 28 naýryzda Kanadanyń Monreal qalasyndaǵy boks keshin ashady. Keshtiń basty oqıǵasy Artýr Beterbıev (15-0, 15 KO) — Men Fanlýn (16-0, 10 KO) aıqasy bolmaq.
«28 naýryzda Monrealda Artýr Beterbıev tıtýlyn qorǵaıtyn shoýdy Jánibek Álimhanuly men Dmıtrıýs Ballard jekpe-jegi ashatyndyǵy aıtylýda», - dep jazdy ESPN jýrnalısi Stıv Kım
Buǵan deıin Álimhanulymen aıqastan Gennadıı Golovkınniń burynǵy qarsylasy Stıv Rolls bas tartqany málim bolǵan edi.