О́zbekstan astanasy Tashkentte aýyr atletıkadan jastar men jasóspirimder arasyndaǵy Azııa chempıonaty óz máresine jetti. Sary qurlyq birinshiliginde jerlesterimiz 9 altyn, 2 kúmis jáne 3 qola medal jeńip aldy.
Jarystyń sońǵy kúninde 102 salmaqta synǵa túsken otandasymyz Rahat Bekbolat qossaıysta 356 (158+198) kılo ziltemirdi ońaı eńserip, jarys jeńimpazy atandy. Sondaı-aq julqa kóterý boıynsha álem rekordyn ornatyp, týrnırdiń eń úzdik sportshysy atandy.
Rahat Bekbolattan bólek Tashkent tórinde Baqyt Ahmetov shákirtterinen Gúlnur Ybyraı (64 kg), Karına Quzǵanbaeva (81 kg), Aısamal Sansyzbaeva (81 kılodan joǵary), Saıhan Taısýev (67 kg), Nurǵısa Ádiletuly (89 kg) jáne Artem Antropov (96 kg) atoı salyp, Azııa chempıony degen qurmetti ataqqa ıe boldy.
Sondaı-aq 55 kılo salmaqtaǵy Abylaı Áýelhanov (55 kılo) jasóspirimder básekesinde kúmis alsa, jastar saıysynda úshinshi orynǵa taban tiredi. Gúlnur Ybyraı da jasóspirimderdiń dodasyn ekinshi orynmen qorytyndylady. Al Saıramkez Aqmolda (61 kg) men Esenkeldi Sápı (81 kg) úshinshi satyǵa jaıǵasty.