Almatyda «Avtomattandyrylǵan sandyq ımmýndyq-hımııalyq gemokýlt-testin paıdalaný arqyly kolorektaldy obyr skrınıngi» qanatqaqty jobasy qolǵa alyndy.
Qanatqaqty jobany iske qosý úshin Almaty qalasy Densaýlyq saqtaý basqarmasy birneshe emhana tańdap aldy. Osy bastamaǵa oraı, QazOjRǴZI-da emhana basshylarymen kezdesý ótkizilip, zertteý júrgizýdiń tehnıkalyq máseleleri talqylandy. Pılottyq zertteýdi Qazaqstan Respýblıkasynyń Densaýlyq saqtaý Mınıstrliginiń tapsyrmasymen Almatydaǵy Qazaq onkologııa jáne radıologııa ǴZI júrgizedi. Bul bastama skrınıngte jańa tehnologııalardy qoldanýdyń klınıkalyq artyqshylyqtaryn taldaýdy kózdeıdi.
Joba aıasynda AQSh-ta, Kanadada, Avstralııada, Shvesııada, Danııada, Germanııada, Koreıada jáne basqa elderde KRO skrınınginde qoldanylatyn EikenChemicalCo.:Ltd. óndirisiniń 10 myń sandyq avtomattandyrylǵan ımmýnohımııalyq gemokýlt-testi synaqtan ótedi.
Kolorektaldy obyr (KRO) onkologııalyq aýrýlar qurylymynda álemde boıynsha kósh bastap tur jáne ósý úrdisi bar.
Qazaqstanda sońǵy birneshe jylda KRO aýrýshańdyǵynyń udaıy ósýi baıqalady: 2004-2010 jyldary ortasha jyldyq standarttalǵan naýqastaný 100 myń turǵynǵa shaqqanda 16,7 jaǵdaıdy, 2011-2018 jyldary 100 myń turǵynǵa shaqqanda 18,7 jaǵdaıdy qurady.
Kolorektaldy obyr 2012 jyldan beri Qazaqstan Respýblıkasynyń halqynyń onkopatologııa qurylymynda 3 orynda tur. 2018 jyly Qazaqstanda 3218 bastapqy KRO aýrýy anyqtalyp, onyń 1450 jaǵdaıy ólim-jitimmen aıaqtaldy.
Qazaqstan DDU jáne kolorektaldyq skrınıng sapasyn qamtamasyz etý jónindegi Eýropalyq basshylyqtyń usynymdaryn eskere otyryp, 2011 jyly KRO skrınıng baǵdarlamasyn engizgen. 2013 jyldan bastap nájistegi jasyryn qandy sapaly anyqtaı alatyn ımmýnohımııalyq (ımmýnoflıýoressentti) test qoldanylady.
Gemokýlt-testiniń oń nátıjesi bar pasıentter qan ketý kóziniń tabıǵatyn anyqtaý úshin jappaı kolonoskopııaǵa jiberiledi.
Iаǵnı, test nátıjesi oń (nájis úlgisinde gemoglobın deńgeıi bar) nemese teris dep baǵalanady.