Almatyda Abaı Qunanbaıulynyń 175 jyldyǵyna oraı beıneleý óneri kórkem týyndylarynyń kórmesi ashyldy. «Bilgenge marjan» dep atalǵan kórmede jas sýretshilerdiń tańdaýly týyndylary qoıylǵan.
Abaı atyndaǵy Ulttyq pedagogıkalyq ýnıversıtette shymyldyǵyn túrgen sharanyń uıymdastyrýshysy – T. Júrgenov atyndaǵy Qazaq ulttyq óner akademııasy. Ult rýhanııatynyń aınasy sanalatyn uly aqynǵa arnalǵan kórmeniń maqsaty – rýhanı turǵydan damyǵan jeke tulǵany qalyptastyrý deıdi sharany uıymdastyrýshylar.
«Kórmege qatysqan barsha qylqalam sheberlerine shyǵarmashylyq shabyt, tolaıym tabystar tileımin. Bıyl elimizdiń aımaqtarynda Abaı rýhyn aspandatqan sharalar kóptep ótedi. Sonyń barlyǵy ıgi-jaqsylyqtyń bastaýy bolǵaı. Abaı murasy urpaqtyń ajyramas temirqazyǵy» deıdi T.Júrgenov atyndaǵy Qazaq ulttyq О́ner akademııasynyń prorektory Sáken Maıǵazıev.