Bul týraly Aqordanyń baspasóz qyzmeti habarlady.
Prezıdentke bilim jáne ǵylym salasynyń qazirgi ahýaly jaıynda baıandaldy.
Qasym-Jomart Toqaev joǵary bilim berýdiń sapasyn odan ári arttyrý, qala men aýyl mektepterindegi bilim sapasynyń deńgeıin sáıkestendirý qajettigine basa mán berdi. Sonymen qatar balalarǵa qosymsha bilim berý sharalaryn kóbeıtýdiń, mektepterde tárbıe jumystaryn belsendi júrgizýdiń mańyzdylyǵyn atap ótti.
Memleket basshysy oblys ákimderimen birlesip apatty jáne úsh aýysymdaǵy mektepterdiń problemasyn sheshý, bilim berý oshaqtarynda kúrdeli jóndeý jumystaryn ýaqtyly júrgizý qajettigin aıtty.
Sondaı-aq Prezıdent ǵylym salasyn qarjylandyrý jáne basqarý júıesin jańǵyrtý sharalaryn qabyldaýdy, ǵylymǵa bólinetin qarjy kólemin kóbeıtýdi, ǵylymı kadrlardy daıyndaýdyń tıimdiligin arttyrýdy tapsyrdy.