Eske sala ketsek buǵan deıin qoǵamdyq kólikter júıesi boıynsha jańa tarıfter kúshine enetinin habarlaǵan edik. Sonymen qatar jańa júıe boıynsha 60 mınýt ishinde bir ret aýysyp otyrý múmkindigi eki tarıftiń (15 sapar – 2 000 teńge jáne 30 sapar – 4 000 teńge) birin qoldanǵanda ǵana kúshinde qalady.
«Jańa tarıftik josparlardy qalyptastyrý kezinde otbasylardyń qarajatyna kóńil bólindi. Oqýshylar men zeınetkerler úshin jol júrýdiń tegin bolýy shyǵyndardy aıtarlyqtaı únemdeýge kómektesetinin túsinemiz. Sondaı-aq, eresekterge arnalǵan aılyq jol júrýdi satyp alý múmkindigi de nazarǵa alyndy. Ol sol 7500 teńge deńgeıinde qaldy», - dep habarlaıdy kompanııadan.
Eske sala ketsek búgingi kórme-konferensııa barysynda «City Transportation Systems» basshysy Bekmyrza Igenberdınov elordada kámeletke tolmaǵan balalar qalaishilik qoǵamdyq kólikpen tegin júretinin habarlaǵan edi.
Sonymen qatar halyqtyń alty sanatyna kiretin azamattarǵa qala mańy baǵdary boıynsha qoǵamdyq kólik tegin bolady. Ol alty sanattyń ishine zeınetkerler, múgedekter, soǵys ardagerleri, múgedekterdi alyp júrgen adamdar, kópbalaly analar jáne kópbalaly otbasylardyń músheleri kiredi.