Eńbek jáne halyqty áleýmettik qorǵaý mınıstrligi zeınetaqy jınaqtaryn alý úshin jetkiliktilik shegin taǵy da 10 paıyzǵa kóterýdi josparlap otyr, dep habarlaıdy Egemen.kz.
Eńbek jáne halyqty áleýmettik qorǵaý mınıstri Asqarbek Ertaevtyń aıtýynsha, 20 men 35 jas aralyǵyndaǵy jastar zeınetaqy jınaǵynan shamamen 1 trıllıon teńge qarjyny alyp úlgergen. Osyǵan baılanysty mınıstrlik tómengi jetkiliktilik shegin kóterýdi qajet dep sanaıdy. Munyń basty maqsaty – jınaqtaýshy zeınetaqy júıesin damytý. Iаǵnı, jastar óz mansabyn bastaý kezinde eń aldymen jınaqtaryn qalyptastyrýy tıis.
Jańa ereje múddeli memlekettik organdarmen kelisilgennen keıin Úkimet qaraýyna usynylady. Sáýir aıynyń sońynda iske qosylýy múmkin.
Endi azamattar zeınetaqy aktıvterin ınternet-platforma arqyly baqylaı alady
Sonymen qatar, jaqynda el azamattaryna óz jınaqtaryn Biryńǵaı jınaqtaýshy zeınetaqy qorynan (ENPF) jeke kompanııalardyń basqarýyna tolyq aýdarýǵa múmkindik berý josparlanyp otyr. Qazirgi ýaqytta azamattarǵa jınaqtarynyń jartysynan artyq ınvestısııa jasaýǵa ruqsat joq.
Bul ózgerister jastardyń jınaqtaýshy zeınetaqy júıesinde óz aktıvterin tıimdi basqarýyna múmkindik beredi.
BJZQ zeınetaqy aktıvteri 25,9 trln teńgege jetti