Halyqaralyq olımpıadalyq komıtet (HOK) áıelder jarystaryna tek bıologııalyq áıelderdiń qatysýyna ruqsat beretin jańa saıasat engizgenin habarlady, dep jazady Egemen.kz.
Uıymnyń resmı saıtynda jarııalanǵan aqparatqa sáıkes, Olımpıada oıyndarynda transgender sportshylardyń áıelder jarystaryna qatysýyna tyıym salynady. Qatysý quqyǵy SRY genine skrınıng júrgizý arqyly anyqtalady, bul gen áıelderde bolmaıdy. Test tek bir ret ótkiziledi, qaıta tapsyrýdyń qajeti joq.
«Men burynǵy sportshy retinde barlyq Olımpıada qatysýshylarynyń ádil jarystarǵa qatysýyn qoldaımyn. Biz jarııalaǵan saıasat ǵylymı derekterge negizdelgen jáne medısınalyq sarapshylarmen ázirlengen. Olımpıadada eń az aıyrmashylyq ta nátıjeni sheshýi múmkin. Sondyqtan bıologııalyq erlerdiń áıelder kategorııasynda jarysýy ádiletsiz bolar edi. Keıbir sport túrlerinde bul tipti qaýipti», dedi HOK prezıdenti Kırstı Koventrı.
Jańartylǵan saıasat 2028 jylǵy jazǵy Olımpıada oıyndarynda Los-Andjeleste kúshine enedi.
Transgenderlik janjal: Aqyry ne bolatyny ázirshe belgisiz
Aıta keteıik, 2025 jylǵy aqpanda AQSh prezıdenti Donald Tramp transgender áıelderdiń sısgender áıeldermen jarysýyna tyıym salǵan bolatyn. Buǵan deıin ol zań júzinde tek eki jynysty moıyndaǵan.
AQSh úkimetine transgender vıse-mınıstr keldi