Jelidegi dıpfeık vıdeolarda Qarjylyq monıtorıng agenttigi qyzmetkeriniń beınesin paıdalanyp «jábirlenýshi ınvestordyń» jalǵan oqıǵasy baıandalǵan vıdeo tarap jatyr, dep jazady Egemen.kz.
Qarjylyq monıtorıng agenttiginiń málimetinshe, ssenarıı boıynsha, qarajatty salǵannan keıin kiristiń joǵarylap jatqany kórsetiledi. Biraq aqshany alý úshin komıssııalar, salyqtar jáne «tekseristerdi» tóleý talap etiledi. Birneshe aýdarymnan keıin qarajatqa qol jetkizý buǵattalady.
Odan bólek, buǵattalǵan aqshany bank jáne retteýshi organdar arqyly alý múmkindigi aıtylady da, qoldanýshyǵa kómekke júginý usynylady. «Tolyǵyraq» batyrmasy «halyq zańgeri» dep atalatyn chatqa aparady, onda qarajatty qaıtarý týraly jalǵan hat almasý kórsetiledi.
Chekti kassada qaldyrmańyz: Memlekettik kirister komıteti alaıaqtyqtyń jańa túri týraly eskertti
Sonymen qatar alaıaqtar Agenttik atynan jalǵan saıttar jasap, onda «jábirlenýshilerdiń aqshasyn qaıtarý» týraly aqparat jarııalaǵan.
«Siltemege ótý kezinde paıdalanýshylardan saýalnamany toltyrý suralady (mysaly, «aqshańyzdy qansha ýaqyt buryn joǵalttyńyz?» degen suraqqa jaýap berý). Keıin jeke málimetter – aty-jóni, telefon nómiri, elektrondyq poshta engizilip, «qaıtarý prosesin bastaý» batyrmasyn basý usynylady», dep túsindirdi Qarjylyq monıtorıng agenttigi.
Bıbigúl Jeksenbaı: Alaıaqtyqtan zardap shekkenderdi qorǵaý júıesinde olqylyqtar kóp
Agenttik osy sıpattaǵy saıttar men chattar aqshany ıemdenýge baǵyttalǵan jalǵan áreket ekenin habarlap otyr.
Al aqparattyń shynaıylylyǵyn tekserý úshin Qarjylyq monıtorıng agenttigine nemese ózińizdiń turǵylyqty jerińizdegi Ekonomıkalyq tergep-tekserý departamentine habarlasýǵa bolady.