Májilis depýtaty Ashat Aımaǵambetov zeınetaqy qarajatyn basqarýǵa qatysty engizilgeli otyrǵan eki negizgi túzetýdiń mańyzyn túsindirdi, dep habarlaıdy Egemen.kz.
Depýtattyń aıtýynsha azamattardyń kópshiligi zeınetaqy jınaqtarynyń bir bóligin, naqty aıtqanda 50%-yna deıin, tabystylyqty arttyrý jáne táýekelderdi ártaraptandyrý úshin jeke basqarýshy kompanııalarǵa berýge quqy bar ekenin bile bermeıdi. Árıne, eshteńeni ózgertpeı, qarajatty tolyqtaı Ulttyq bankke senip qaldyrýǵa bolady. Qalaǵan jaǵdaıda ár azamat óz betinshe sheshim qabyldap, jınaǵynyń bir bóligin kásibı basqarýshylarǵa bere alady. Alaıda bul múmkindik ázirge keńinen qoldanylyp otyrǵan joq.
Zeınetaqy jınaǵyn merziminen buryn alý qıyndaıdy
«Biz eki negizgi túzetýdi usyndyq. Birinshiden. Azamattardyń qarajatyn jeke basqarýshy kompanııalarǵa berý shegin qazirgi 50%-dan 75%-ǵa deıin ulǵaıtýdy usynamyz. Bul jerde eń bastysy − bul mindet emes, quqyq ekenin atap ótken jón.
Ekinshiden. Azamattardyń ózderi tańdaǵan basqarýshy kompanııaǵa, osy jınaqtardy ıkemdi túrde basqarýǵa múmkindik berýdi usynamyz: qarajattyń bir bóligin konservatıvti quraldarǵa, bir bóligin tabysy joǵary, biraq táýekeli de joǵary quraldarǵa, al bir bóligin teńgerimdi baǵyttarǵa ornalastyrý múmkindigin berý. Iаǵnı «bári nemese eshteńe» emes strategııasy emes, sanaly tańdaý. Usynystarymyzdyń máni qarapaıym. Aqsha tek jatyp qalmaı, jumys isteýi tıis», dedi Ashat Aımaǵambetov.
Depýtattyń aıtýynsha, bul jınaqtaý mindetimen qatar, azamatqa óz qarajatyn basqarý quqyǵyn beretin neǵurlym jetilgen ári ádiletti júıege jasalǵan qadam bolyp sanalady.
EAEO elderiniń 100 myńnan astam azamatyna zeınetaqy jarnasy tólendi