Úkimet basshysy Qazaqstandaǵy koronavırýstyń aldyn alý sharalary boıynsha birqatar tapsyrma berdi.
«Memleket basshysy Qasym-Jomart Toqaev Úkimetke halyqty koronavırýs ınfeksııasynan qorǵaý sharalaryn kúsheıtýdi tapsyrdy. Álemdegi jaǵdaı kúrdeli. О́zderińiz jaqsy biletindeı, qazirgi ýaqytta vırýs elýden astam elde anyqtalyp, óte jyldam taralýda. Qazir Qazaqstanda koronavırýspen aýyrǵan adamdar joq. Sondyqtan barlyq aldyn alý sharalaryn jalǵastyrý kerek», - dedi Asqar Mamın Úkimet otyrysynda.
Úkimet basshysy Asqar Mamınniń sózinshe koronavırýs álemdik ekonomıkaǵa úlken áserin tıgizip otyr.
«Osy rette Qazaqstan ekonomıkasynyń turaqtylyǵyn qamtamasyz etý maqsatynda tıisti sharalar qabyldaý kerek. Mınıstrlikterdiń atap ótken usynystaryn qoldaımyn. Birinshiden, Densaýlyq saqtaý mınıstrligi barlyq memlekettik shekaralyq ótkizý pýnkterinde sanıtarlyq-epıdemıologııalyq baqylaýdy kúsheıtip, ázirlengen is-qımyl algorıtmin iske asyrýǵa daıyn bolýyn qamtamasyz etsin. Ekinshiden, Syrtqy ister mınıstrligi buǵan deıin josparlanǵan iri halyqaralyq sharalardy aýystyrý boıynsha usynystardy engizsin. Koronavırýs ınfeksııasy taralǵan elder úshin tranzıtti, elektrondy, týrıstik vızalardy toqtatý qajet», - dedi ol.