«QazAgro» holdıngi «Agrarlyq nesıe korporasııasy» (ANK) AQ dırektorlar keńesiniń sheshimimen basqarma tóraǵasy qyzmetine Baǵlan Qultaev saılandy. Buǵan deıin ol korporasııanyń basqarýshy dırektory – basqarma múshesi qyzmetin atqarǵan. Bul týraly «QazAgro» holdıngi» AQ baspasóz hatshysy Damır Aspan Facebook-tegi paraqshasynda jazdy.
«Holdıng aksıoner retinde ashyqtyq saıasatyna múddeli jáne muny tolyq qoldaıdy. Buryn aıtylǵandaı, «QazAgrony» reformalaý maqsatynda Holdıngti transformasııalaý baǵdarlamasy bekitildi. Osy mindetti iske asyrý sheńberinde korporatıvtik jáne uıymdastyrýshylyq sheshimderdi qabyldaý prosesi júrip jatyr.
Qoldanystaǵy zańnamaǵa jáne korporatıvtik basqarý qaǵıdattaryna sáıkes, aksıonerlik qoǵam aksıoneriniń, Dırektorlar jáne basqarma keńesiniń ókilettigi shekteldi. Atap aıtqanda, Basqarma tóraǵasynyń ókilettigin toqtatýy Dırektorlar keńesiniń quzyrynda. Osylaısha, ANK burynǵy tóraǵasy M.Dáribaevtyń ókilettigin toqtatýy bunyń aldynda josparlanǵan shara edi. Ol tek kezekti otyrysta bekitildi. Taǵy bir aıta ketetin jaıt, Murat Amankeldiuly Holdıngte jumys istemek», - dep jazdy Damır Aspan.