Indýstrııa jáne ınfraqurylymdyq damý mınıstrligi koronavırýstyń taralýynyń aldyn alý maqsatynda aǵymdaǵy jylǵy 5 naýryzynan bastap Ázirbaıjan men Irannan keletin, adamdar men avtokólik quraldaryn júrgizýshilermen tasymaldaıtyn teńiz kemelerine Aqtaý jáne Quryq porttarynda qyzmet kórsetýdiń ýaqytsha toqtatylatynyn habarlaıdy. Bul týraly mınıstrliktiń baspasóz qyzmeti habarlady.
Sheteldik júk kemeleriniń ekıpajdary úshin Aqtaý jáne Quryq porttarynda kemelerden shyǵýǵa shekteý qoıylady.
Sanıtarlyq-epıdemıologııalyq qyzmetter halyqaralyq tasymaldardy júzege asyratyn qazaqstandyq kemeler ekıpajdarynyń músheleri porttarda aýysqan kezde olarǵa baqylaýdy kúsheıtetin bolady.
Qabyldanatyn sharalar týraly aqparat Kaspıı mańy memleketteriniń teńiz ákimshilikterine jetkiziledi.