Ýnıversıadanyń kúmis júldegeri

Adamdardyń jylt etken jaq­sylyǵyna jany qalmaı qýanatyn kásipker Qaıyrǵalı Arystanǵalıev aıaq astynan habarlasty. Qashanǵy ańqyldaǵan aq edil kóńilimen ózimsine áńgimesin bastaı jóneldi. Áńgime aýanynan Tatarstannyń astanasy – Qazan qalasynda ótken Búkilálemdik Ýnıversıadaǵa qaty­syp, belbeý kúresinen kúmis júl­demen oralǵan balýan Dımash Mol­dashevti tanystyrmaq nıette ekenin ańǵardym.

Adamdardyń jylt etken jaq­sylyǵyna jany qalmaı qýanatyn kásipker Qaıyrǵalı Arystanǵalıev aıaq astynan habarlasty. Qashanǵy ańqyldaǵan aq edil kóńilimen ózimsine áńgimesin bastaı jóneldi. Áńgime aýanynan Tatarstannyń astanasy – Qazan qalasynda ótken Búkilálemdik Ýnıversıadaǵa qaty­syp, belbeý kúresinen kúmis júl­demen oralǵan balýan Dımash Mol­dashevti tanystyrmaq nıette ekenin ańǵardym.О́zim de ýaqyt taýyp júldeger jerlesimizben júzdesýdi oılap júr edim. «Sabaqty ıne – sátimen» degendeı, oraıy kelgenine qýana kelistim.

Sport dese, ishken asyn jer­ge qoıatyn, eldiń namysyn kóte­retin sportshylardy udaıy qol­dap júretin kásipker jigit kóp kúttirmeı-aq, júzinen ımandylyq lebi esken balýanmen kezdestirdi. Úsheýara áńgime jelisi belbeý kú­re­sinen sport sheberi Dımash Mol­­dashevtiń sporttyq jolyna aýysty.

– Qazaqstannan Ýnıversıadaǵa barǵan belbeý kúresi sheberleri arasynda jalǵyz kúmis medalǵa ıe bolǵan jerles jigitimizdiń mereıin kóterý basqa jastardyń sportqa kelýine yqpal eter edi, –degendi qosyp qoıdy Qaıyrǵalı baýyrymyz.

Dımash qarapaıym otbasynda týǵan eken. Qarǵaly aýylynda turatyn ákesi Ábýǵalı zeınetke shyqqansha júrgizýshi bolyp eńbek etipti. Anasy Balzııa áli kúnge perzenthanada jumys isteıdi. Ákesi ulynyń sportpen aınalysýyna o bastan-aq qarsy bolmapty. Dımash besinshi klasta oqyp júrgende Qarǵaly balalar jáne jasóspirimder sport mektebinde grek-rım kúresi úıirmesine qatysty. Alǵashqy jattyqtyrýshysy Álibı Balbosynovqa jigerli, eńbekqor bala birden unady. Mektepishilik birinshilikterde kózge túsip, jasóspirimder arasyndaǵy oblystyq jarystarǵa qatysa bas­tady. Keıin joǵary oqý ornyna túsip, ony bitirgennen keıin baılanys salasyna jumysqa ornalasty. Sonda da jattyǵýdy tastaǵan joq. Sóıtip júrgende, dostary Aqtóbe qalasynda belbeý kúresinen jas balýandardy baýlıtyn jattyqtyrýshy Sándibek Ahetovpen tanystyrady.

– Ol birde maǵan jarysqa qa­tysýǵa usynys jasady. Bul bel­beý kúresimen túbegeıli aına­lysýymnyń baspaldaǵy boldy desem artyq aıtqandyq bolmas, deıdi Dımash Moldashev.

Bos ýaqytyn jattyǵýǵa arnaıtyn jas balýannyń belbeý kúresinde jetken jetistikteri az emes. 2009 jyly el birinshiliginde – úshinshi, al kelesi jyly birinshi oryndy ıelense, 2011 jyly Qazaqstan kýbogynda úshinshi oryndy qanaǵat tutty. 2010 jyly álem birinshiliginde besinshi orynǵa taban tirep, júldege taıaý qalǵan, 2011 jyly Bishkekte ótken álem chempıonatynda joly bolmady. Bıyl Orynbor oblysynda ótken Búkilreseılik halyqaralyq týrnırde jasyndaı jarqyraı kórinip, jeńimpaz boldy.

– Meni Ýnıversıadaǵa baratyn belbeý kúresi balýandary qurama komandasynyń bas jattyqtyrýshysy Erbol Myrza­bosynov Astanada ótken irikteýge arnaıy shaqyrdy. Baǵymdy synap kórmek bolyp, shaqyrýdy qup aldym. Jattyqtyrýshylardyń uıǵarymymen elimizdiń ýnıver­sı­tet qurama komandasyna engi­zildim. Ýnıversıadaǵa meni alǵash­qy jattyqtyrýshym Álibı Balbosynov ózi jeke daıynda­dy. Jattyqtyrýshymnyń eńbegin, balýan retinde senim artqan jer­lesterimniń úkili úmitin aqtaǵa­nymdy maqtanysh tutamyn.

Ol qala mańyndaǵy Qarǵaly aýylynda turady, baılanys ınjeneri bolyp eńbek etedi. Ol Ýnıversıadadan kelgende, qushaq jaıa qarsy alǵan aýyldastaryna, týysqandaryna jáne oblystyq sport basqarmasynyń ókilderine dán rıza. Alda belbeý kúresinen álem birinshiligi ótedi. Naǵyz sportshy arqany keńge salmaıtyny belgili. Álemdik deńgeıdegi jeńistiń dámin tatqandarda bos ýaqyt bolmaıtyny anyq. Belbeý kúresinen sport sheberi Dımash Moldashev ta boz kilemdegi kúndelikti jattyǵýlaryn bastap ketipti. Ol jeńis bıikterin baǵyndyrý úshin bosańsýǵa bolmaıtynyn túsinedi. Sondyqtan da bos ýaqytyn boz kilemde ádis-tásilderdi shıratýǵa arnaıtyn ol bul joly da ózi jattyǵatyn Qarǵaly balalar men jasóspirimder sport mektebiniń jattyǵý zalyna asyǵýly ekenin ańǵartty. Biz jas balýanǵa alda da sáttilikter tilep qoshtastyq.

Satyb