Álemdegi eń beldi uıym – UFC óziniń kezekti jarystarynyń birin 13 maýsymda Nur-Sultandaǵy «Astana Arenada» ótkizetini jaıynda biz buǵan deıin de habarlaǵanbyz.
Qazaqstanda tuńǵysh ret uıymdastyrylǵaly otyrǵan UFC dodasynda asa jeńil salmaqtaǵy qazaq sportshysy Jalǵas Jumaǵulov óziniń tusaýkeser kezdesýin ótkizedi. Ol amerıkalyq Djordan Espınozamen kúsh synasady.
29 jastaǵy AQSh-tyń ókili erejesiz jekpe-jek jarystarynda 22 kezdesý ótkizip, 14 ret jeńiske jetti. Jeti ret utylyp, taǵy bir básekeniń nátıjesi esepke alynbady. Sońǵy úsh kezdesýin ol UFC-de ótkizdi. Byltyr kóktemde Erık Sheltondy upaı sanymen utsa, sol jyldyń jazynda Met Shnelge ese jiberdi. Al ústimizdegi jyldyń qańtar aıynda Aleks Pereske jol berdi. Eki retinde de Djordan Espınoza «qylqyndyrý» ádisine tústi.