«Astana» veloshabandozdary 20 naýryzǵa deıin álemniń ár qıyrynda ótetin túrli jarysqa qatysýdan bas tartty.
Oǵan sebep – álemniń birqatar memleketinde koronavırýs dertiniń órshýi. Aınaldyrǵan eki-úsh aı ǵana ýaqyt aralyǵynda talaı adamnyń ómirin jalmap, tórtkúl dúnıeni dúrliktirgen indetten saqtaný maqsatynda aıtýly komanda osyndaı qadamǵa barýǵa májbúr bolyp otyr.
– Naýryz aıynda shet memleketterde ótetin jalyqaralyq jarystardyń barlyǵynyń da mańyzy zor. Biz olarǵa qýana-qýana qatysatyn edik. Biraq koronavırýs derti ýshyǵyp turǵan kezde saqtyq sharalaryn saqtaýdy jón sanadyq. Bizder úshin bárinen de sportshylarymyzdyń densaýlyǵy mańyzdy. Sol sebepti de osyndaı sheshim qabyldadyq, – deıdi «Astananyń» bas menedjeri Aleksandr Vınokýrov.
Sóıtip, «Astananyń» veloshabandozdary «Strade Bıanke», «Parıj – Nıssa» jáne «Tırreno – Adrıatıko» kópkúndikterine qatyspaıtyn boldy.