Qazaqstan Respýblıkasy Premer-Mınıstri orynbasarymen Jańaózen qalasynda kásipkerlikti damytý jáne jumyspen qamtýdy yntalandyrý boıynsha jobanyń Jol kartasy bekitildi. Bul týraly Mańǵystaý oblysy kásipkerler palatasynda oblys ákimi S. Trumovtyń qatysýymen ótken О́ńirlik keńesi múshelerimen keńeıtilgen otyrysynda málim boldy dep habarlaıdy Mańǵystaý oblysy «Atameken» kásipkerler palatasy baspasóz qyzmeti.
«О́zenmunaıgaz» AQ satyp alýlaryna kásipkerlik sýbektilerin tartý jáne oqshaýlaý arqyly Jańaózen qalasynda jumyspen qamtý boıynsha óńirlik birlesken jumys toby quryldy. Jumys tobynyń basshysy bolyp - oblys ákiminiń birinshi orynbasary jáne hatshysy Kásipkerler palatasynyń basshysy taǵaıyndaldy.
Osy ýaqytqa deıin, atalǵan jumys tobynyń 5 otyrysy ótip, jobalardy júzege asyrýdaǵy máseleler boıynsha suraqtar qarastyryldy.
Shara sońynda Jańaózen qalasynyń ákimdigi, «О́zenmunaıgaz» aksıonerlik qoǵamy jáne Mańǵystaý oblysynyń kásipkerler palatasymen úshjaqty memorandýmǵa qol qoıyldy.
Atalǵan memorandým aıasynda «О́zenMunaıGaz» kompanııasy satyp alýdy júzege asyrý tártibin saqtaı otyryp, jumys oryndaryn qurý jónindegi máseleniń áleýmettik mańyzdylyǵyn eskerip, «Samuryq-Qazyna «UÁQ» AQ-nyń satyp alý standarty jobasyn iske asyrý úshin jaǵdaı jasaýǵa mindetti.