«Ustazdar úıinde» belgili qalamger, Qazaqstannyń eńbek sińirgen qaıratkeri, Qazaqstan Respýblıkasynyń Prezıdent syılyǵynyń laýreaty, Almaty qalasy máslıhatynyń depýtaty, «Almaty aqshamy» gazetiniń bas redaktory Q.Sársenbaımen kezdesý uıymdastyryldy.
«О́rleý» biliktilikti arttyrý ulttyq ortalyǵy» AQ fılıaly Almaty qalasy boıynsha PQ BAI dırektory Raısa Sadvakasova, dırektordyń oqý-ádistemelik isi jónindegi orynbasary Halıtova Ildana Ildarhanovna qarsy aldy. Instıtýt tabaldyryǵyn attaǵan «Almaty aqshamy» gazetiniń bas redaktory pedagogıkalyq kadrlardyń biliktiligin arttyrý salasyndaǵy jańalyqtarmen tanysýdy kýrs ótip jatqan aýdıtorııalardan bastady. Mazmuny jańartylǵan bilim berý baǵdarlamasy boıynsha trener Gúlbala Kenishtaıqyzynyń jáne pedagogıka ǵylymdarynyń kandıdaty, kafedra meńgerýshisi Arzıeva Alııa Toqtamysqyzynyń sabaqtaryna qatysyp, kýrs tyńdaýshylarymen tildesti. Muǵalimder sóz kezeginde básekege qabiletti tulǵa qalyptastyrýǵa baǵyttalǵan jańa baǵdarlama, jańa ádister týraly óz pikirlerimen bólisip, kýrstyń mazmuny men mańyzynyń joǵary ekendigin baıandady.
Halyq qalaýlysy Montessorı kabınetin, STEM zerthanasyn, robototehnıka kýrstary ótkiziletin, beıne jáne aýdıojazbaǵa arnalǵan mýltımedııalyq zerthanany toptastyratyn Maker Space Zone oqý keńistigin aralap, zamanaýı jabdyqtarmen, kitaphanadaǵy avtomattandyrylǵan aqparattyq «KABIS» baǵdarlamasy arqyly jasalǵan elektrondyq málimetter bazasymen tanysty.
Qazaqstan muǵalimderiniń úzdiksiz bilim berý tarıhynyń aınasy ispetti murajaıda bolyp, estelik kitapshasyna pikir-tilegin jazdy.
Almaty qalasyndaǵy «Ustazdar úıi» bıyl 60 jyldyǵyn atap ótýge ázirlik ústinde. Jarty ǵasyrdan astam tarıhy bar mekeme qabyrǵasyndaǵy zamanaýı talaptarǵa sáıkes atqarylyp jatqan jumystar, oń ózgeris, ıgi bastamalarmen tanysqan depýtat ınstıtýt qyzmetkerlerimen ashyq dıalog aıasynda bilim berý júıesin damytýǵa qatysty ózekti máselelerdi talqylady.
ALMATY