Keshe elordadaǵy Kongress-holl saraıynda «Sapaly bilim men tárbıe berý – Qazaqstannyń memlekettik saıasatynyń basym baǵyty» degen taqyrypta Astana qalasy ustazdarynyń dástúrli tamyz konferensııasy ótti.
Keshe elordadaǵy Kongress-holl saraıynda «Sapaly bilim men tárbıe berý – Qazaqstannyń memlekettik saıasatynyń basym baǵyty» degen taqyrypta Astana qalasy ustazdarynyń dástúrli tamyz konferensııasy ótti.
Tamyz konferensııasyn muǵalimderdiń eleńdep kútetini daýsyz. Jyl saıyn naq osy jıynda olardyń aldyna úlken mindetter men jaýapkershilikter júkteledi. Bıylǵy basqosýdyń da muǵalimderge oı salatyn tustary az bolǵan joq. Oǵan jıyn barysynda sóz alǵan baıandamashylardyń oı-pikirleri dálel.
Astana qalalyq Bilim basqarmasynyń basshysy Ásıma Bımendına óziniń baıandamasynda aldymen bilim salasyndaǵy sońǵy jyldardyń jetistikterin sholyp shyqty. Astanada jan sanynyń kóbeıýi, kóptegen jastardyń óz taǵdyryn osy qalamen baılanystyrǵysy keletin nıetiniń balabaqshalar men mektepterge de sáýlesin túsirgeni, sonyń esebinen tek qana balabaqshaǵa baratyn balalardyń sany 2000 jylǵy 8 myńnan bıyl 32 myń 575 balaǵa kóbeıgeni ataldy. «Sońǵy on bes jylda elimizde bilim salasynyń damýy úshin kóptegen ıgi sharalar atqaryldy. Odan Astana qalasynyń bilim basqarmasy da qalys qalǵan emes. Elordadaǵy bilim berý uıymdary kóbeıip, 280 nysanǵa, al munda bilim beretin muǵalimderdiń sany 11 142-ge jetti. 2000-shy jyldardaǵy jaǵdaımen salystyrǵanda, bilim salasyn qarjylandyrý toǵyz ese ósip otyr. Búginde oǵan bólinetin qarajat 19 mlrd. teńgege jetip otyr. Muǵalimderdiń aılyq jalaqysy úsh ese ósti. Biliktilik deńgeıi bar muǵalimderdiń jalaqysyna ústeme qosylýda. Úsh deńgeıli biliktilikti baǵalaý júıesi boıynsha synnan ótken muǵalimderdiń aılyq jalaqysyna 30 paıyzdan 70 paıyzǵa deıin, al qala ákiminiń grantyn ıelengen muǵalimderdiń aılyq jalaqysyna elý paıyz ústeme qosyldy. Mysaly qazirgi tańda Astana qalasynda qala ákiminiń grantyn 50 muǵalim ıelenip otyr. 2010 jyldan bastap qaladaǵy bastaýysh synyp oqýshylaryn tegin tamaqpen qamtamasyz etip kelemiz. Ol maqsatqa qazynadan 4 mlrd. 520 mıllıon teńge jumsaldy», – dedi Ásıma Bımendına.
Konferensııada sóz alǵan bilim uıymdarynyń basshylary qazirgi tańda kezegin kútip turǵan ózekti máselelerge nazar aýdardy. Mysaly, Astana qalasyndaǵy Oqýshylar saraıy dırektorynyń ınnovasııalyq tehnologııalar jónindegi orynbasary Danıel Orazbekov Oqýshylar saraıynda mýltımedııalyq eksponattarmen jabdyqtalǵan ulttyq ınteraktıvti park ashylatynyn, bul oraıda oqýshy balalardy qyzyqtyratyn birneshe jobalardyń qamtylatynyn málimdep, biraq oǵan mol qarajattyń da kerek ekendigin jetkizdi. Árıne, ashylǵanyna áli eki jyl tola qoımaǵan Oqýshylar saraıynyń atqarar isteri áli alda. Dese de, mundaǵy 137 úıirmege 9 myńnan asa balanyń jazylyp, osy ýaqytta mekemede 160-tan asa is-sharalardyń uıymdastyrylǵany jaǵymdy jaıt. Al, Astana ekonomıka lıseıiniń dırektory Baqyt Syzdyqova óziniń bilim sapasyn kóterýge qatysty oılarymen bólisti. Qazirgi jańa álemde balasyn aqyly bilim beretin mektepterge aparatyn ata-analar eń aldymen sapaly bilimdi talap etetinin, sol úshin ǵana aqsha tóleıtinin ashyq aıtty. Sondaı-aq, aqparattyq-kommýnıkasııalyq tehnologııalardy eń kóp paıdalanatyn da aqyly mektepter ekenin baıandady. «Mysaly bizdiń mekteptiń 24 kabınetinde ınteraktıvti taqta men zamanaýı kompıýterler jumys isteıdi. Sońǵy jyldary aqyly mektepte oqıtyn balalar sany tórt ese kóbeıdi. Biraq, mektepter sany sol burynǵy on ekimen shektelip tur», degen lıseı dırektory buǵan jalǵa alǵan ǵımarattarda mektep ashýǵa ruqsattyń joqtyǵy qolbaılaý bolyp otyrǵanyn aıtyp, Bilim jáne ǵylym mınıstrliginen osy máseleni sheshýge kómektesýdi surady. Bul oraıda jıynda baıandama jasaǵan Daryndy qyz balalarǵa arnalǵan qazaq-túrik lıseıiniń dırektory Qaırat Taımaǵambetovtiń de usynysyn aıta ketý oryndy sııaqty. Ol Astanada bilim alǵysy keletin, biraq oǵan múmkindigi joq, aýyldyq jerlerde, ne aýdandar men basqa qalalarda turatyn daryndy balalar úshin Almatydaǵy Jáýtikov atyndaǵy fızıka-matematıka mektep-ınternaty syndy Astana qalasynan da daryndy balalardyń mektep-ınternatyn ashý týraly usynysyn ortaǵa saldy.
Konferensııada Astana qalasynyń ákimi I