2013 jylǵy 19 naýryz, Astana, Úkimet Úıi
«Avtomobıl kóligimen qaýipti júkterdi tasymaldaý jónindegi keıbir máseleler týraly» Qazaqstan Respýblıkasy Úkimetiniń 2004 jylǵy 12 naýryzdaǵy № 316 qaýlysyna ózgerister engizý jáne «Qazaqstan Respýblıkasy Kólik jáne kommýnıkasııa mınıstrliginiń avtomobıl kóligi salasyndaǵy memlekettik qyzmet standarttaryn bekitý jáne «Jeke jáne zańdy tulǵalarǵa kórsetiletin memlekettik qyzmetterdiń tizilimin bekitý týraly» Qazaqstan Respýblıkasy Úkimetiniń 2010 jylǵy 20 shildedegi № 745 qaýlysyna ózgerister engizý týraly» Qazaqstan Respýblıkasy Úkimetiniń 2012 jylǵy 27 shildedegi № 979 qaýlysynyń kúshi joıyldy dep taný týraly
Qazaqstan Respýblıkasynyń Úkimeti qaýly etedi:1. «Avtomobıl kóligimen qaýipti júkterdi tasymaldaý jónindegi keıbir máseleler týraly» Qazaqstan Respýblıkasy Úkimetiniń 2004 jylǵy 12 naýryzdaǵy №316 qaýlysyna (Qazaqstan Respýblıkasynyń PÚAJ-y, 2004 j., №14, 176-qujat) mynadaı ózgerister engizilsin:1-tarmaq mynadaı redaksııada jazylsyn:«1. Qosa berilip otyrǵan Avtomobıl kóligimen qaýipti júkterdi tasymaldaý qaǵıdalary bekitilsin.»;kórsetilgen qaýlymen bekitilgen Avtokólik quraldarymen qaýipti júkterdi tasymaldaý, olardyń Qazaqstan Respýblıkasynyń aýmaǵy boıynsha júrip ótý erejesi jáne qaýipti júkterdi tasymaldaıtyn júrgizýshiler men avtokólik quraldaryna qoıylatyn biliktilik talaptary osy qaýlynyń qosymshasyna sáıkes jańa redaksııada jazylsyn.2. «Qazaqstan Respýblıkasy Kólik jáne kommýnıkasııa mınıstrliginiń avtomobıl kóligi salasyndaǵy memlekettik qyzmet standarttaryn bekitý jáne «Jeke jáne zańdy tulǵalarǵa kórsetiletin memlekettik qyzmetterdiń tizilimin bekitý týraly» Qazaqstan Respýblıkasy Úkimetiniń 2010 jylǵy 20 shildedegi № 745 qaýlysyna ózgerister engizý týraly» Qazaqstan Respýblıkasy Úkimetiniń 2012 jylǵy 27 shildedegi №979 qaýlysynyń (Qazaqstan Respýblıkasynyń PÚAJ-y, 2012 j., №64, 891-qujat) kúshi joıyldy dep tanylsyn.3. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 19 naýryzdaǵy №259 qaýlysyna qosymshaQazaqstan Respýblıkasy Úkimetiniń 2004 jylǵy 12 naýryzdaǵy №316 qaýlysymen bekitilgen
Avtomobıl kóligimen qaýipti júkterdi tasymaldaý qaǵıdalary
1. Jalpy erejeler1. Osy Avtomobıl kóligimen qaýipti júkterdi tasymaldaý qaǵıdalary (budan ári – Qaǵıdalar) «Avtomobıl kóligi týraly» 2003 jylǵy 4 shildedegi, «Avtomobıl joldary týraly» 2001 jylǵy 17 shildedegi Qazaqstan Respýblıkasynyń Zańdaryna jáne Qazaqstan Respýblıkasynyń ózge de normatıvtik quqyqtyq aktilerine sáıkes ázirlendi.2. Qaǵıdalar qaýipti júkterdi Qazaqstan Respýblıkasynyń aýmaǵy arqyly tasymaldaýǵa baılanysty zańdy jáne jeke tulǵalarǵa qoldanylady.Qaýipti júkterdi avtokólik quraldarymen halyqaralyq tasymaldaý Qazaqstan Respýblıkasynyń halyqaralyq sharttarynyń talaptaryna sáıkes júzege asyrylady.3. Tasymaldaý, tıeý-túsirý jumystaryn júrgizý jáne saqtaý kezinde olarǵa tán erekshelikterge baılanysty tehnıkalyq quraldardyń, qurylǵylardyń, ǵımarattar men qurylystardyń jarylýyna, órtenýine nemese búlinýine, sondaı-aq adamdardyń, janýarlardyń ólim-jitimine, jaraqat alýyna jáne aýrýyna sebep bolýy, qorshaǵan tabıǵı ortaǵa zııan keltirýi múmkin kez kelgen zattar, materıaldar, buıymdar, óndiristik jáne ózge de qyzmet qaldyqtary qaýipti júkter dep tanylady.4. Qaýipti júkterdi tasymaldaý kezinde «Qaýipti júkter. Synyptaý jáne tańbalaý» 19433-88 MemST jáne Qaýipti júkterdi halyqaralyq joldarda tasymaldaý týraly eýropalyq kelisimniń (QJHJT) qoldanystaǵy standarttaryna sáıkes qaýipti júkterdiń synyptamasy qoldanylady.
2. Qaýipti júkterdi avtokólik quraldarymen tasymaldaýdy uıymdastyrý5. Qaýipti júkterdi Qazaqstan Respýblıkasynyń aýmaǵy arqyly tasymaldaýdy júzege asyratyn kólik quraldarynyń júrgizýshileri jáne qaýipti júkterdi tasymaldaý úshin paıdalanylatyn avtokólik quraldary osy Qaǵıdalardyń 4 jáne 5-taraýlarynda jazylǵan belgili bir talaptarǵa sáıkes keledi.6. Qaýipti júkter mamandandyrylǵan avtokólik quraldarymen nemese osy maqsatqa beıimdelgen basqa kólik quraldarymen tasymaldanady.7. Osy qaýlymen bekitilgen qaýipti júkter tizbesine (budan ári – qaýipti júkter tizbesi) sáıkes 1, 6 jáne 7-synypty qaýipti júkterdi tasymaldaý kezinde qaýipti júkterdi tasymaldaýdy júzege asyratyn kólik quralynyń avtomobıl joldarymen júrýine arnaıy ruqsatt