Nur-Sultan qalasynyń ákimdigi baǵany turaqtandyrý boıynsha 2 baǵytta jumys júrgizip jatqanyn habarlady.
Turaqtandyrý qory qurylyp, saýda jelilerin jeńildikpen nesıelendirý boıynsha jumystar júrgizilgen.
«Aınalym shemasy» jobasyna «Magnum», «Astyqjan», «Kenmart», «Small», «Shapaǵat», «Evrazııa», «Artem», «Bıg Shanhaı» sııaqty saýda oryndary qatysady, sondaı-aq et pen jarma boıynsha jetkizýshiler anyqtaldy. Dúrligýge sebep joq, azyq-túlik jetkilikti mólsherde bar» delingen ákimdik taratqan aqparatta.
Áleýmettik nan baǵasyn ustap turý máselesi de qarastyrylǵan.
Turaqtandyrý qorynyń un qory tolyqtyrylyp, qalanyń naýbaıhanalaryna qoldaý kórsetilip jatyr. Aýylsharýashylyq jármeńkelerin ótkizý baǵany ustap turýǵa jáne ónimdi naryqtyq baǵadan tómen satýǵa múmkindik beredi. Aýylsharýashylyq jármeńkeleriniń maýsymy «Aspan bazar» saýda úıinde bastaldy, jármeńke ár senbi men jeksenbi kúnderi sáýir aıyna deıin ótedi.