Túrkistan oblysynda koronavırýsqa baılanysty júrip jatqan oqý-jattyǵý jumystaryn uıaly telefonǵa túsirip, sol óńirlerde oba tarap jatyr degen maǵynada beınematerıaldardy áleýmettik jelilerde taratqandarǵa qatysty tergeý amaldary júrgizilýde.
О́ńirlik kommýnıkasııalar qyzmetinde ótken brıfıngte Túrkistan oblysy Polısııa departamentiniń birinshi orynbasary Ábdiǵanı Seıdýalıev habarlaǵandaı, kórineý, jalǵan aqparat taratqan azamattar Qylmystyq kodeks boıynsha jaýapkershilikke tartylady. «Qazir oblysta 3 azamattyń ústinen tergeý jumystary júrýde. QR Qylmystyq kodeksiniń 274-shi baby «Kórineý jalǵan aqparat taratý» dep atalady jáne onyń sanksııasynda 10 jylǵa deıin bas bostandyǵynan aıyrý jazasy kórsetilgen», dedi Ábdiǵanı Toıshyuly. Sonymen qatar, polısııa polkovnıgi tıisti oryndardan alynǵan resmı aqparattardy jetekshilikke alý, eldi dúrliktiretin jalǵan aqparat taratpaý qajettigin eskertti.