Semeıge kelgen saparynda Premer-Mınıstr Serik Ahmetov kásipkerlerge kómek kórsetý úshin jáne olardyń problemalaryn sheshýge yqpal etý maqsatynda qoldaý ortalyǵy ashylýy tıis degen bolatyn. Jaqynda osy tapsyrma oryndalyp, «Damý» kásipkerlikti damytý qorynyń janynan kásipkerlerge qyzmet etý ortalyǵy ashyldy. Bul ortalyq osymen Qazaqstan boıynsha altynshy bolyp otyr. Buǵan deıin Almaty, Shymkent, Pavlodar, Taraz jáne Qyzylorda qalalarynda ashylǵan eken.
Semeıge kelgen saparynda Premer-Mınıstr Serik Ahmetov kásipkerlerge kómek kórsetý úshin jáne olardyń problemalaryn sheshýge yqpal etý maqsatynda qoldaý ortalyǵy ashylýy tıis degen bolatyn. Jaqynda osy tapsyrma oryndalyp, «Damý» kásipkerlikti damytý qorynyń janynan kásipkerlerge qyzmet etý ortalyǵy ashyldy. Bul ortalyq osymen Qazaqstan boıynsha altynshy bolyp otyr. Buǵan deıin Almaty, Shymkent, Pavlodar, Taraz jáne Qyzylorda qalalarynda ashylǵan eken.
– Bul ortalyq kásipkerlerge úlken kómek, osy týraly kópten armandaǵan edi, – dedi qalalyq máslıhat hatshysy Jaǵyparbek Elýbaev, – bıznesti bastaý ońaı emes. Aqyl-keńester óte qajet. Býhgalterlik esep-qısaptar deısiz be, tolyp jatqan máselelerdi sheshýge osy ortalyqtyń paıdasy tıeri anyq. Men «Damý» qorynyń ókilderin quttyqtaımyn jáne olardyń jumysyna rızamyn. «Bir tereze» aıasynan olar ózderine qajetti aqparatty ala alady. Semeıde ishki jalpy ónim shaǵyn jáne orta bıznes esebinen 50 paıyzdy qurap otyr. Bul respýblıkadaǵy joǵary kórsetkishterdiń biri. Mysaly, «SemAz» zaýytynda «Ýral» júk kólikterin qurastyratyn júıe iske qosyldy. Jylyna 5 mlrd. teńgeniń 400 avtomobıli shyǵarylmaq. Osynyń ózi qala bıýdjetine qanshama tıimdi bolatyndyǵyn oılańyzdar. Sondyqtan da osyndaı ortalyqtardyń ashylýyn ózim tolyq qoldaımyn.
Shyǵysqazaqstandyqtardyń bıznesti damytýǵa degen erekshe
qulshynystaryn Kásipkerlikti damytý qory basqarmasynyń meńgerýshi dırektory Ǵabıt Lesbekov te erekshe atap ótti:
– Bul jaqta kásipkerlik toqtap qalmaı, óristep keledi eken. Myna ashylyp otyrǵan ortalyq el ekonomıkasynyń órkendeýine úles qosary sózsiz. Bul ortalyqty aldaǵy ýaqytta halyq jatsynbaı, sheneýnikter men bank qyzmetkeleri, kásipkerler barlyǵy bas qosyp turatyn tamasha ortalyqqa aınalady dep oılaımyn.
Jańadan ashylǵan KQO-da «Atameken» ulttyq ekonomıkalyq palatasy, Aýyl sharýashylyǵyn qoldaý qory, Tehnologııalyq damýdyń ulttyq ortalyǵy bólimderi jáne halyqqa qyzmet kórsetý ortalyǵy men ekinshi dárejeli bankter ornalasqan.
– Men osyndaı ortalyqtyń ashylǵandyǵyna qýanyshtymyn, – dedi jeke kásipker Láılá Idrısova, – trenıngterge qatysyp, bilimimdi shyńdaǵym keledi. Biz áýelde saýdadan bastap edik, endi keńeıip qurylys salasyna kóshtik. Bir jerden barlyq aqparatty alatyn osyndaı ortalyqtyń ashylýyn kópten kútip júrdik. Biz bilmeı jatqan baǵdarlamalar kóp eken. Bilimimizdi shyńdaýymyz kerek. Eger bir jerden qate jibersek, bıznesimiz toqtap qalýy múmkin. Sondyqtan da nesıe nemese salyq máselesine kelgen kezde abaı bolý úshin osyndaı ortalyqtardyń jumystaryna júgingen jón. Kez kelgen kásipker qol astynda býhgalter nemese zańger ustap tura almaıdy. Oǵan qarajaty jetpeýi múmkin. Sondyqtan bizde kásipkerler býhgalterııa jumysyn kóbine ózderi atqarady.
Kásipkerlerdi memleket tarapynan qoldaý árdaıym «Bıznestiń jol kartasy-2020» baǵdarlamasy tarapynan júzege asyp keledi. Sonyń arqasynda shaǵyn jáne orta bıznes ókilderi kásiporyndaryn jańa quraldarmen jabdyqtap, jańa tehnologııalardy ıgerýdi bastady. Máselen, kásipker K.Muqashev nesıeni sýbsıdııalaý barysynda Semeı klınıkalaryna jańadan dıagnostıkalyq jabdyqtar ala aldy. Al «Nur» sharýa qojalyǵy iri qarany semirtý úshin jemdeý bazasyn qaıta jóndeýden ótkizdi. «Tasymal kóligi» JShS qosymsha avtokólikke qol jetkizdi. «Shyǵys-Broıler» JShS «Broıler qus fabrıkasynyń qurylysyn salý» jobasyn júzege asyrýda. «Solo-ınterer» JShS jıhaz óndirý úshin qosymsha qural-jabdyq satyp aldy. Jeke kásipker E.Chýkeev qurǵaq qurylys qospalaryn shyǵaratyn óndiris ornyn ashty. «Qalıqanuly» sharýa qojalyǵy azyq-túlik ónimderin óndirip, sút jáne sút ónimderin tazalaıtyn jáne qaptaıtyn tehnologııaǵa qol jetkizdi. Budan basqa da kýlınarlyq taǵamdar shyǵaratyn G.Chýkeevtiń óndirisi jolǵa qoıylyp, «BAJ-AR» JShS un ón dirip, «Qaınar» kolledji jańa jabdyqqa ıe boldy, aıta berse, mundaı ıgilikke qol jetkizgender óte kóp. Búginde bıznes bastamashysy bolǵan jastar erteńgi kúni kásipker aǵalarynyń ornyn basary sózsiz. Sondyqtan da kásipkerlerdi qoldaý ortalyǵy О́skemenmen qatar, Semeıde de ashylǵandyǵyn eńbek adamdary quptap otyr.
Raýshan NUǴMANBEKOVA.
SEMEI.
Sýretti túsirgen avtor.