Dúnıejúzinde koronovırýs pandemııasyna shaldyqqandar sanynyń gisanddata.maps.arcgis.com onlaın kartasy táýlik saıyn málimetti jańartýda. Oǵan sensek, búginde Ońtústik Koreıada qanynda COVID-2019 koronavırýsy anyqtalǵan adamdar sany 8565 adamdy qurasa, sonyń 1540-y dertten aıyǵyp úlgeripti. О́kinishke qaraı, pandemııa saldarynan atalǵan memlekette osy ýaqytqa deıin 91 adam kóz jumdy.
Bir táýlikte Ońtústik Koreıadaǵy dertke shaldyqqandar sany 152-ge jetse, emdelgenderdiń rekordtyq kórsetkishi 407-i adamdy qurap otyr. Bul memleket epıdemııalyq qaýipti eń joǵary satyǵa kóterdi. Mektep jáne mektepke deıingi bilim berý uıymdary oqý prsessin bastaýdy osymen úshinshi márte keıinge qaldyryp otyr. Qolda bar málimetke súıensek, oqýshylar men baldyrǵandar bilim berý uıymdarynyń tabaldyryǵyn osy jyldyń 6 sáýirinde attaı alady. Tegý qalasy men Kıonsan-Pýkto provınsııasyndaǵy taǵy úsh shahar aıryqsha apat aımaǵy retinde belgilendi.
Kesheli beri Tegý qalasynda jańadan – 97, el astanasy Seýlde – 12, Kıongıdo provınsııasynda – 18, Kıonsan-Pýkto provınsııasynda – 12 naýqas tirkeldi. Jańa naýqastar osy eldiń ózge aımaqtarynan da tabyldy. Taǵy 7 adam kóz jumyp, joǵaryda atap ótkenimizdeı marqumdardyń jalpy sany 91-ge jetti.
Budan bólek 15904 adamnyń saraptamasy zerttelýde. Aıta keteıik, osy ýaqytqa deıin Ońtústik Koreıada barlyǵy 282000 adamnyń saraptamasy dárigerlerdiń nazaryna alyndy.
Sondaı-aq eldegi naýqastardyń jalpy sany da belgili bolyp otyr. Máselen Seýldegi vırýs juqtyrǵandar sany 270-ke jetse, Tegý qalasyndaǵy bul kórskeish – 6241 adamdy quraýda. Taǵy 1190 naýqas Kıonsan-Pýkto provınsııasynda, 295 naýqas Kıongıdo provınsııasynda tirkelgen. Pýsan qalasynda vırýs juqtyrýǵa qatysty 107 oqıǵa oryn aldy. 5000-nan astam adamnyń dertke shaldyǵýy (59,6 %) Sınchhonchjı sektasymen baılanysty bolǵany anyqtaldy. Elde ujymdyq turǵyda naýqastanǵandardyń paıyzdyq kórsetkishi 80,2-ni quraýda.
Renhap agenttiginiń habarlaýynsha, Ońtústik Koreıadan eksporttalǵan bet maskalarynyń sany ótken jyldarmen salystyrǵanda 23 erte artypty. Alaıda naýryz aıynyń sońyna qaraı bul kórsetkish kúrt tómendeýi yqtımal. Sebebi elde taýardyń naq osy túrin eksporttaýǵa tyıym salynýda.
Epıdemııa oshaǵyna aınalǵan Tegý qalasyndaǵy naýqastar sanynyń kúrt tómendeýine qaramastan, Ońtústik Koreıanyń bılik ókilderi jańa oshaqtardyń paıda bolýynan qaýiptenip, ázirlik jumystaryn áli de jalǵastyrýda. Jedel jeli ortalyqtaryna 500-den astam maman jumyldyrylyp, osy tektes jumystar Kıongıdo provınsısyndaǵy birneshe shirkeýde de qolǵa alynýda.