180-ge jýyq qazaqstandyq Grýzııa men Reseıden elge jetkizildi. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.
«Koronavırýs pandemııasy týdyrǵan álemdegi qolaısyz jaǵdaıǵa baılanysty otandyq áýe kompanııalar Qazaqstan azamattaryn qaıtarý reısterin oryndaýda. О́tken táýlik ishinde azamattyq avıasııanyń áýe kemelerimen shet elderde qalǵan jolaýshylardy tasymaldaý úshin birqatar reıster jasaldy. Air Astana avıakompanııasy Tbılısıden Almatyǵa 143 jolaýshyny, Scat avıakompanııasy Máskeý qalasynan (Vnýkovo) 35 jolaýshyny, onyń ishinde tranzıtpen kelgen qazaqstandyq týrısterdi elimizge alyp keldi», - delingen habarda.