Tekserýshiler sý tasqyny kezinde evakýasııalaý úshin adamdardy ýaqytsha ornalastyrý pýnktterin qarap shyqty. Kópirlerdi, sý ótkizý qurylystaryn, aryqtardy, kanaldardy jáne sý burý syzbalaryn tazalaý jumystaryn tekserýge erekshe kóńil bólinýde. Tekserý jumystary Glýbokoe jáne Shemonaıha aýdandarynan bastaldy dep habarlaıdy ShQO TJ Departamentiniń baspasóz qyzmeti.
Oblys aýmaǵynda sý tasqyny kezeńiniń qaýipsiz ótýine qolaıly jaǵdaı jasalýda, soǵan saı qar erýiniń belsendi kezeńi apatsyz ótýde. Jaǵdaı turaqty, sý basý tirkelmegen, ózenderdegi sý deńgeıi qaýipti belgilerden aspaıdy.
Shyǵys Qazaqstan oblysynyń ákimi Danıal Ahmetovtiń tapsyrmasy boıynsha aımaqta oblystyq máslıhat hatshysy Vladımır Golovatıýktiń basshylyǵymen quramynda ShQO TJ departamenti, jumyldyrý daıyndyǵy basqarmasy jáne jergilikti atqarýshy organdar ókilderi bar komıssııa quryldy.
Tekserýshiler sý tasqyny qaýpi bar ýchaskelerdi ınspeksııalaýdy júrgizedi. Birinshi ınspeksııaǵa Glýbokoe aýdanynyń eldi mekenderi: Beloýsovka, Altaıskıı, Predgornoe jáne Progress aýyldary tartyldy. Sonymen qatar, Shemonaıha aýdany (Shemonaıha, Vydrıha, Verh-Ýba, Ýbınka) baqylaý júrgizildi. Monıtorıngten «Shyǵys sý qoımalary» KMK gıdrotehnıkalyq qurylystary ótti. Azamattyq qorǵaý organdarynyń JAO motopompalary, JJM qorynyń bolýy, tamaq ónimderi men birinshi kezekte qajetti quraldardy jetkizýge nıet-sharttary tekserildi. Aınalyp ótý qorytyndysy boıynsha sý tasqyny qaýpi bar ýchaskelerde odan ári is-sharalar belgilengen.