«Zenchenko jáne K» komandıttik seriktestiginde oblys agrarshylary jınalyp, bıylǵy oraq naýqanyn joǵary uıymshyldyqpen ótkizý máselelerin talqylady. Semınar-keńesti aımaq basshysy Samat Eskendirov ashyp, alda jańa astyqty ysyrapsyz jınap alý mindeti turǵanyn, bul oraıda memlekettik qoldaý sharalary jan-jaqty qarastyrylyp otyrǵanyn atap ótti.Oblys ákiminiń birinshi orynbasary Aıdarbek Saparov kúzgi oraqqa daıyndyq sharalarymen tanystyrdy.
«Zenchenko jáne K» komandıttik seriktestiginde oblys agrarshylary jınalyp, bıylǵy oraq naýqanyn joǵary uıymshyldyqpen ótkizý máselelerin talqylady. Semınar-keńesti aımaq basshysy Samat Eskendirov ashyp, alda jańa astyqty ysyrapsyz jınap alý mindeti turǵanyn, bul oraıda memlekettik qoldaý sharalary jan-jaqty qarastyrylyp otyrǵanyn atap ótti.Oblys ákiminiń birinshi orynbasary Aıdarbek Saparov kúzgi oraqqa daıyndyq sharalarymen tanystyrdy. Otan qambasyna kemi 5 mıllıon tonna el rızyǵyn jóneltý kózdelgen. Kóktemgi-kúzgi dala jumystaryna Úkimet jeńildetilgen baǵamen 72 myń tonna dızel otynyn bólgen. «A.Baraev atyndaǵy astyq sharýashylyǵy ǵylymı-óndiristik ortalyǵynyń» dırektory Jeksenbaı Qasqarbaev, Ǵ.Músirepov aýdanynyń ákimi Marat Tasmaǵanbetov, «Zenchenko jáne K» komandıttik seriktestiginiń dırektory Gennadıı Zenchenko, taǵy basqalar óz sózderinde mańdaı termen ósirilgen egindi shashaýsyz jınap alý joldaryn tilge tıek etti.
Semınar-keńes aıaqtalǵannan keıin S. Eskendirov memlekettik veterınarlyq uıymdardyń materıaldyq-tehnıkalyq bazasyn nyǵaıtý maqsatymen respýblıkalyq qazynadan 217 avtomobıl satyp alýǵa 756 mıllıon teńge bólingenin jetkize kelip, aýdandyq, Petropavl qalalyq veterınarııa stansasy basshylaryna «Sanıong» jáne» ÝAZ» kólikteriniń kiltterin saltanatty túrde tabys etti. Aýyldyq okrýgterdegi maldárigerlik qosyndary «Nıva» kólikterine ıe boldy.
О́mir ESQALI,
«Egemen Qazaqstan».
Soltústik Qazaqstan oblysy,
Qyzyljar aýdany.