Koronavırýstyq ınfeksııanyń jyldam taraýyna baılanysty bizdiń azamattarymyzdy shet elderden qaıtarý jónindegi is-sharalar sheńberinde 27 naýryzda Ýkraınadan Qazaqstanǵa taǵy 76 otandasymyz sátti oraldy. Bul týraly Syrtqy ister mınıstrliginiń baspasóz qyzmeti habarlady.
«Osyndaı nátıjege qol jetkizý úshin Elshiliktiń dıplomattary aýqymdy jumys atqaryp, sonyń ishinde Qazaqstanǵa qaıtatyn azamattarymyzdyń tizimin ázirlep, «Kıev – Almaty – Kıev» baǵytynda charterlik reıs uıymdastyrý úshin tıimdi áýekompanııasyn anyqtaý, qazirgi álemdegi qıyn jaǵdaıda logıstıka máselesin sheshý jáne basqa da kóptegen uıymdastyrý sharalaryn júzege asyrdy.Bizdiń Ýkraınadaǵy dıplomattarymyzǵa azamattarymyzdyń ıgiligi úshin qajyrly eńbek etip, qoıylǵan mindetterdi adal oryndaǵany úshin, sondaı-aq Qazaqstan Respýblıkasynyń SIM jedel shtabyndaǵy áriptesterimizge búkil álem boıynsha elshilikter qyzmetkerleriniń jumysyn tıimdi úılestirgeni úshin alǵys bildiremiz» delingen habarlamada.