COVID-19 koronavırýsyn juqtyryp alǵan tanymal adamdar óz jaǵdaılary týraly túrli áleýmettik jelilerde bólisip jatyr. Solardyń biri reseılik jazýshy, ssenarıst, aýdarmashy Borıs Akýnın de óziniń aýrýy týraly Feısbýk áleýmettik jelisinde bólisti.
Qalamger óziniń jaǵdaıy týraly dárigerlerdiń jaqyn arada aıtyp beretinin jazǵan. Ol oqyrmandaryn sabyrǵa shaqyryp otyr. Akýnınniń pikirinshe, vırýstyń ózinen góri adamdardyń vırýs jaıly qaýip-qater men úreıge toly oı-sezimderi on ese kúshtirek. Sondyqtan ol oqyrmandaryna eń aldymen sabyr saqtap, ózderi men jaqyndaryn barynsha qorǵaýdy aıtty.
Borıs Akýnın - jazýshynyń psevdonımi. Grıgorıı Chhartıshvılı onyń aldynda Anna Borısova, Anatolıı Brýsnıkın degen ádebı psevdonımderdi paıdalanǵany belgili. Ony kópshilikke tanymal etken shyǵarmalar – «Stat keńesshisi» jáne «Túrik gambıti».
Reseı Qyrymdy almaq bolǵanda zııaly qaýym ókilderiniń ishinde alǵashqylardyń qatarynda qarsylyq bildirgen edi. Jazýshy qazir Fransııada turady.