Koronavırýstyq pandemııa avıasııalyq tehnıkasy óndirisine áser etip, óndirýshi kompanııalar jańa gıgıenalyq talaptardy eskere otyryp, flotty damytý men jańa ushaqtar alý josparlaryn qaıta qarastyrýda.
Áýe kemeleri óndirisine áser etip otyrǵan kelesi bir jaǵdaı - munaı baǵasynyń tómendeýi. Áýe kompanııalarynyń jolaýshylardy tasymaldaý salasyndaǵy jahandyq kiristeri koronavırýstyq pandemııaǵa baılanysty 2020 jyly 44% tómendeýi múmkin, delingen Halyqaralyq áýe kóligi qaýymdastyǵy (IATA) málimetterinde. IATA taldaýy boıynsha Azııa-Tynyq muhıty aımaǵyndaǵy avıakompanııalar ótken jylmen salystyrǵanda kóp shyǵynǵa ushyraýy múmkin, ıaǵnı, kem degende tabysy 88 mılrd dollarǵa azaıady. Ekinshi orynda eýropalyq avıakompanııalar – - 76 mlrd dollar, al Soltústik Amerıka da – - 50 mlrd dollar.
IATA basshylyǵy halyqaralyq reıster toqtatylǵannan keıin kompanııalar aıtarlyqtaı daǵdarysqa ushyraıtyndyǵyn aıtyp, árbir el azamattyq avıasııaǵa kómek qolyn sozýy qajet dep sanaıdy. Búginde IATA álemdegi áýe saparlarynyń 82% qurap otyrǵan 290 avıakompanııa málimetterin taldaý múmkindigine ıe.