Almatyǵa qala mańyndaǵy jumysshylardyń kirýine tyıym salynýyna baılanysty keıbir kompanııalarda jumysshylar sanynyń jetispeýshiligi oryn alyp otyr. Sondaı-aq, Kásipkerler palatasy tótenshe jaǵdaı kezindegi kadrlyq máselelerdi anyqtaý maqsatynda 874 kásiporynnyń jumysshylaryn jumystan bosatýyna baılanysty onlaın-saýalnama júrgizgen.
Osy kásiporyndardaǵy 16 869 jumysshynyń 7 202 qyzmetkeri nemese 25,4% eńbekaqysyz demalysqa jiberildi. Aldaǵy ýaqytta taǵy da 1617 qyzmetker jumystan bosatylady. Osy oraıda Kásipkerler palatasy tarapynan jumysqa ornalastyrý máselesi boıynsha 16 kompanııamen kelissózder júrip, búgingi tańda 254 ótinish bergender jumysqa ornalasqan.
Almaty qalasy Kásipkerler palatasynyń dırektory Narıman Ábilshaıyqov «Bıznes eshqashan tótenshe jaǵdaıdy buzbaýy kerek ekenin atap ótkim keledi. Belgilengen shekteýlerge qaramastan, keıbir nysandar jumysyn jalǵastyrýǵa nıetti. Kásipkerlerdi ákimshilik jaýapkershilikke tartý, onyń ishinde qamaýǵa alý jaǵdaılary da kezdesýde. Sondyqtan da biz bıznesti jaýapkershilik týraly eskertip, zańdy talaptardy saqtaýǵa shaqyramyz» dep atap ótti.
Suraqtar týyndaǵan jaǵdaıda Almaty qalasy Kásipkerler palatasynyń senim telefondaryna habarlasýǵa bolady: 8 (727) 3310133 ishki 7555, baılanys ortalyǵy: +7 708 178 61 08. QR UEP «Atameken» baılanys ortalyǵy 1432.
ALMATY