Búgin oblys ákimi Arhımed Muhambetovtiń tóraǵalyǵymen indettiń aldyn alý jónindegi shtabtyń shuǵyl otyrysy ótti. Keńes otyrysynda koronavırýstyq ınfeksııaǵa jol bermeý sharalaryn kúsheıtý týraly sheshim qabyldandy.
- 31 naýryzda saǵat 22.00-den bastap 10 ótkizý beketin qoıý arqyly, Qostanaı oblysynyń aýmaǵyna kirýge shekteý engizý týraly sheshim qabyldandy, - dedi oblys ákimi.
Artynsha jergilikti polısııa qyzmetiniń bastyǵy Qurmet Májikenov oblys aýmaǵyna kireberis joldarǵa qoıylatyn blok-beket tosqaýyldary týraly túsindirdi. - Bastysy, aldaǵy kúnderi qolǵa alynatyn shekteý sharalaryn karantınmen shatastyryp almańyzdar. Bul shekteýler oblys turǵyndarynyń qaýipsizdigi úshin jasalyp jatyr, - degen Qurmet Májikenov oblys aýmaǵyna kirýge jáne shyǵýǵa birdeı shekteý qoıylatynyn aıtty. Biraq oblys ishindegi avtokólik qozǵalysy toqtamaıdy.
BLOK-BEKET TOSQAÝYLDARY QAI JERGE QOIYLADY?
Blok-beket
Orny
№7 blok-beket
Almaty-Ekaterınbýrg avtojolynyń 374-shaqyrymy, «Qaıraq» shekara beketi;
№8 blok-beket
Qostanaı-Qorǵan avtojolynyń 180-shaqyrymy, «Obaǵan» shekara beketi;
№9 blok-beket
Qostanaı-Mamlıýtın avtojolynyń 245-shaqyrymy, Uzynkól aýdanynyń Troebrat aýyly mańy;
№10 blok-beket
Almaty- Ekaterınbýrg avtojolynyń 722-shaqyrymy,
Sarykól aýdanynyń Sevastopol aýyly mańy;
№11 blok-beket
Qostanaı-Surǵan tas jolynyń 232 shaqyrymynda Aqmola oblysy shekarasy;
№12 blok-beket
Jezqazǵan-Petropavl tas jolynyń 372 shaqyrymy;
№13 blok-beket
Jezqazǵan-Petropavl tas jolynyń 300-shaqyrymy;
№14 blok-beket
Torǵaı tas jolynyń 85-shaqyrymy, Aqtóbe oblysy shekarasynda, Aqshyǵanaq aýyly mańy;
№15 blok-beket
Qostanaı-Qarabutaq avtojolynyń 239 shaqyrymy, Qamysty aýdany Jaıylma aýyly mańy;
№16 blok-beket
Denısov avtojolynyń 100-shaqyrymy, Reseımen shektesetin tusynda, Jitiqara aýdanynyń «Qondybaı» shekara beketi
Qostanaı oblysy