Qyzylorda qalasyndaǵy avtovokzal men ózge de oblysaralyq, qalaaralyq, aýdanaralyq baǵytta qatynaıtyn avtobýs, mıkroavtobýs, taksılermen jolaýshylar tasymaldaý qyzmeti búginnen bastap toqtatyldy. Bul týraly oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń feısbýktegi resmı paraqshasynda habarlandy.
Habarlamada osy ýaqyttan bastap oblys ortalyǵyndaǵy saıabaqtar, saýnalar men massaj bólmeleri, bılıard klýbtary, ınternet-klýbtar, oıyn ortalyqtary, býkmekerler, loto, sporttyq keshender (úıirmeler, seksııalar), fýtbol alańdary, balalardyń damý ortalyqtary jáne basqa da halyq kóp shoǵyrlanǵan nysandardyń jumystary arnaıy eskertpege deıin toqtatylatyny habarlanǵan.
Jumysy toqtatylatyn nysandar qatarynda avtokólik, kıim-keshek, mal bazarlary, toıhanalar, toı salondary, banket zaldary jáne úı jaǵdaıynda ótkiziletin barlyq merekelik, dástúrlik (ózge ulttardyń ata-analar kúni, quran oqytý t.b.) is-sharalar bar.