Almaty qalasynyń karantındik ortalyqtarynda jáne eriktiler shtabynda qazir QazUMÝ-dyń 50-den astam joǵary synyp oqýshysy jumys isteıdi. Rezıdentter men ınternderdiń tájirıbe alańyndaǵy jumysy qaýipti bolǵanymen de, olar kúndelikti tańerteńnen keshke deıin juqpaly aýrý dárigerlerine kómektesip júr.
Ýnıversıtettiń Baspasóz qyzmetiniń málimeti boıynsha, olar naýqastardyń dene qyzýyn ólsheıdi, kómekke zárý adamdar turatyn úılerge - birinshi kezekte kóp balaly otbasylar, múgedekter men zeınetkerlerge azyq-túlik jetkizip beredi. Aq halatty eriktiler karantın aımaqtarynyń jumysyna belsendi qatysýda ári halyqaralyq reıstermen keletinderdiń tizimin jasap, ótkizý pýnktterinde jumys isteýde.
QazUMÝ rektory Talǵat Nurǵojınniń aıtýynsha, bul - aq halatty eriktilerdiń óz bastamasy. Olardyń bul ıgi sharasy bolashaq bilikti mamandar úshin quptarlyq is.
Bolashaq dárigerler tek karantındik aımaqtar men eriktiler ortalyqtarynda ǵana emes, qaladaǵy aýrýhanalarda da adam janynyń arashasy bolyp júr.
ALMATY