Qazaqstanda benzın men dızel otynyn óndirýshiler aǵymdaǵy jyldyń 31 jeltoqsanyna deıin aksızderden bosatylady. Bul tizimge avıaotyn kirmeıdi. Úkimettiń aqparat resýrsyndaǵy málimetterge súıensek, bul týraly Úkimettiń 2020 jylǵy 27 naýryzdaǵy № 141 qaýlysynda aıtylǵan.
Prezıdenttiń «Ekonomıkany turaqtandyrý jónindegi odan ári sharalar týraly» 2020 jylǵy 16 naýryzdaǵy № 287 Jarlyǵyna sáıkes Úkimet qaýly ete otyryp, 2020 jyldyń 1 qazanyna deıingi kezeńde Qazaqstan Respýblıkasy Úkimetiniń 2010 jylǵy 1 naýryzdaǵy № 145 qaýlysymen bekitilgen áleýmettik mańyzy bar azyq-túlik taýarlarynyń tizimine engizilgen taýarlardy satý jáne ımporttaý kezinde qosylǵan qun salyǵynyń 8% mólsherlemesi belgilep, aǵymdaǵy jylǵy 31 jeltoqsanǵa deıingi merzimde Qazaqstan Respýblıkasynda aksızdeletin taýarlardy óndirýshiler eksportqa satylatyn benzınge (avıasııany qospaǵanda) aksızderden bosatty. Sondaı-aq, týrızm, tamaqtandyrý jáne qonaq úı qyzmetteri salasynda kásipkerlik qyzmetti júzege asyrý kezinde paıdalanylatyn salyq salý obektileri úshin zańdy tulǵalar men jeke kásipkerlerdiń múlik salyǵy stavkalaryna «0» koeffısıentin belgileý tapsyryldy.
Al Qazaqstan Respýblıkasynyń Kásipkerlik kodeksine sáıkes mıkro, shaǵyn nemese orta kásiporyndarǵa jiktelgen salyq tóleýshiler úshin: barlyq salyqtar men bıýdjetke tólenetin basqa da mindetti tólemderdiń, sondaı-aq áleýmettik tólemderdiń 2020 jyldyń 1 maýsymyna deıin qamtamasyz etý; táýekeli joǵary dárejedegi salyq tóleýshilerdi qospaǵanda, salyq mindettemelerin ýaqtyly oryndamaý jáne salyqtyq jáne kedendik qaryzdyń, sondaı-aq áleýmettik tólemderdiń oryndalýyn qamtamasyz etý ádisterin qoldaný boıynsha is-sharalardy aǵymdaǵy jyldyń 1 maýsymyna deıin toqtata turýǵa; tótenshe jaǵdaı týyndaǵan kezde paıda bolatyn «Salyq jáne bıýdjetke tólenetin basqa da mindetti tólemder týraly» 2017 jylǵy 25 jeltoqsandaǵy Qazaqstan Respýblıkasy Kodeksiniń (Salyq kodeksi) 114-baby 2-tarmaǵynyń 10) tarmaqshasynda kózdelgen habarlamany oryndaýdy aǵymdaǵy jyldyń 1 maýsymyna deıin uzartý (15-ten bastap) joǵary táýekel dárejesi bar salyq tóleýshilerdi qospaǵanda, bıylǵy jyldyń naýryzynan 15 sáýirine deıin); memlekettik kirister organdary tótenshe jaǵdaılar kezinde júrgizetin tekserýlerdiń merzimin toqtatady.