Parfıýmerııa jáne kosmetıka óndirýshi Latvııalyq Dzintars zaýytynyń tólem qabiletsizdigi boıynsha ákimshisi óndiristik jáne keńse ǵımarattaryn satýǵa aýksıon ótkiziletindigi jaıynda habarlady.
Latvııas Vestnesıs - «Latvııa jarshysy» resmı basylymynda Rıgadaǵy aýdany 65,3 myń sharshy metr jer ýchaskesi ǵımarattarymen, sondaı-aq keńse jabdyqtary men jıhazdar aýksıonǵa shyǵarylǵan. Aýksıonnyń alǵashqy satylym quny - 100 myń evro. 30 naýryzda bastalǵan aýksıon 29 sáýirde aıaqtalady.
Budan buryn málim bolǵanyndaı, ótken jyly Rıgadaǵy Pardaýgava soty Dzintars-ti tólemge qabiletsiz dep tanyp, quqyqtyq qorǵaý óndirisin aıaqtaǵan bolatyn. Negizgi nesıe berýshi - Memlekettik kirister qyzmeti (SRS) Dzintars-tiń quqyqtyq qorǵaý sharalary turǵysynan jańa ózgeristermen kelispegen. Kompanııa kelesi kezektegi salyq tólemin tólemegendikten, bereshegi 6,8 mln. eýrony quraǵan. 2016 jyldyń qazan aıynda Dzintars kompanısy sotqa talap aryz bergen. Alaıda kompanııa daıyndaǵan quqyqtyq qorǵaý josparyna engizilgen túzetýlerdi kredıtorlar maquldamaǵandyqtan, ótken jyly Dzintars sotqa bankrottyq týraly ótinish berdi.
Firmas.lv habarlaǵandaı, Dzintars benefısıary jańa kompanııa - Dzintars Beauty. Onyń jalǵyz ıesi jáne basqarmanyń jalǵyz múshesi Ilıa Gerchıkov bolyp tabylady. Kapıtaly 2,8 myń eýrony quraıdy.
ALMATY