Nıderland elindegi karantın rejıminde Vınsent Van Gogtyń týyndysy urlandy, dep habarlaıdy Reuters. Amsterdamǵa jaqyn mańda ornalasqan Laren qalasynda ornalasqan Zınger mýzeıinen Van Gogtyń «Kóktemgi baq» týyndysy qoldy bolǵan. Mýzeıde dabyl qurylǵylary dereý iske qosylǵanymen de, polısııa qashyp úlgergen urylardy ustaı almaǵan.
Mýzeı dırektory Evert van Ostyń aıtýynsha, bul mýzeı qyzmetkerleri úshin tosyn jaǵdaı bolyp otyr. О́ıtkeni, sýret mýzeıge tıesili bolmaǵan ári Gronıngen mýzeıinen ýaqytsha jalǵa alynǵan. 1884 jyly salynǵan «Kóktemgi baqta» sýretshi ómir súrgen Nıýenen óńirindegi vıkarıı sýrettelgen. Urlanǵan óner týyndysynyń quny ázirge málim emes.
Aqparat kózi deregine súıensek, 2016 jyly Italııanyń quqyq qorǵaý organdary Vınsent van Gogtyń 2002 jyly Amsterdam mýzeıinen urlanǵan týyndylaryn tapqan.