Eýrazııalyq ekonomıkalyq odaq elderi koronavırýstyq ınfeksııaǵa qarsy is-qımyl týraly bir-birimen kelisimge keldi, dep habarlaıdy EEO baspasóz qyzmeti.
Eýrazııalyq ekonomıkalyq komıssııanyń (EEK) habarlaýynsha, taraptar qabyldanǵan sharalar týraly aqparat almasady jáne densaýlyq saqtaý men sanıtarlyq-epıdemıologııalyq qamtamasyz etý salasynda ózara birigip, sheshimder qabyldaıdy.
Sonymen qatar, EAEO elderi ózara kómek, onyń ishinde gýmanıtarlyq, sondaı-aq olardyń aýmaǵynda taýarlar jetispegen jaǵdaıda Odaq memleketterine maqsatty kommersııalyq jetkizilimderdi usyný múmkindigin qarastyryp jatyr.
EEK sonymen birge pandemııa kezinde Odaqtyń kedendik aýmaǵyna bajsyz ákelinetin taýarlardyń tizimin tolyqtyrý boıynsha jumysty jalǵastyratyndyǵyn aıtty.
«Koronavırýstyq ınfeksııanyń kedendik-tarıftik, tarıftik emes jáne kedendik retteý, kólik, sanıtarlyq, veterınarııalyq-sanıtarııalyq, karantındik fıtosanıtarııalyq baqylaý, tehnıkalyq retteý jáne eńbek kóshi-qony salalarynda taralýynyń aldyn-alý sharalaryna qatysty sheshimder tótenshe negizde talqylanyp, kúshine enedi» dep túsindirdi EEK.